Imisebenti yebaPhostoli 9:6 - Siswati 1996 Bible Sukuma-ke uye kulelo dolobha, lapho utawutjelwa khona lokufanele ukwente.” |
Sengitibonile tindlela takhe, kodvwa ngitamphilisa, ngimhole, ngibuyisele indvudvuto kuye,
Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.
Wakhuluma kimi, watsi: “Ndvodzana yemuntfu, sukuma ume ngetinyawo takho, ngitawukhuluma nawe.”
Sandla saSimakadze sasisetikwami lapho, wakhuluma kimi, watsi: “Sukuma, uhambe uye etsafeni, ngitawakhuluma nawe lapho.”
Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.
Baphendvula batsi: “Khoneliyuse, indvuna yelibutfo, usitfumile. Uyindvodza lelungile naleyesaba Nkulunkulu, futsi uhlonishwa ngiso sonkhe sive semaJuda. Watjelwa yingilosi lengcwele kutsi akumeme ute emtini wakhe, kuze atewuva emavi akho.”
Tfumela umuntfu eJopha ayewubita indvodza lebitwa ngekutsi nguSimoni Phetro, usivakashi emtini waSimoni, umshuki wetikhumba, lohlala ngaselwandle.’
Kwatsi bantfu nabakuva loku, bahlabeka etinhlitiyweni base batsi kuPhetro nakulabanye baphostoli: “Pho, bazalwane, sitakwenta njani?”
Ngabuta ngatsi: ‘Kufanele ngenteni, Nkhosi?’ INkhosi yatsi kimi: ‘Sukuma uye eDamaseko, lapho utawutjelwa khona konkhe lokhetselwe kutsi ukwente.’
Kodvwa sukuma ume ngetinyawo takho, ngobe ngitibonakalisele loko kuwe kutsi ngikwente ube sisebenti sami nafakazi wami ngaloku lokubonile ngami lamuhla, kanye naloko lengitawutibonakalisa ngako kuwe.
Waphendvula watsi: “Ungubani, wena Nkhosi?” Livi laphendvula latsi: “NginguJesu, lomhluphako!
Na-Isaya waba nesibindzi nakamemetela livi laNkulunkulu atsi: “Ngatfolwa ngulabo lababengakangifuni, ngatibonakalisa kulabo lababengakangiceli.”
Ngobe ngekungakwati kahle kulunga lokuvela kuNkulunkulu, bafuna kutimisela lokungekwabo kulunga, abazange batinikele ngekutfobeka ekulungeni kwaNkulunkulu.
Umtsetfo wefikela kwandzisa siphambuko, kodvwa ngekwandza kwesono nemusa waNkulunkulu wandza kakhulu.
Nami matfupha ngase ngaphila ngaphandle kwemtsetfo; kodvwa kwatsi kube kufike umyalo, sono savuka indlwabane,
Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela,
Kodvwa Nkulunkulu wephana ngemusa lomkhulu, ngako umBhalo utsi: “Nkulunkulu umelana nalabatigcabhako, kepha labatfobekile ubapha umusa.”
Ubobe sewumema Jese kulomhlatjelo, mine ngitawube sengiyakulayela kutsi wente njani. Uyawungigcobela lowo lengitakulayela yena.”