Imisebenti yebaPhostoli 9:22 - Siswati 1996 Bible

Kodvwa Sawula wachubeka kushumayela ngemandla wawadzidza nemaJuda labehlala eDamaseko, awakhombisa ngalokusebaleni kutsi Jesu unguKhristu.

Imisebenti yebaPhostoli 9:22 Referencias Cruzadas

Genesisi 49:24

Kodvwa butjoki bakhe buhlala bucinile, imikhono yakhe iciniswa tandla taLonemandla waJakobe, nguMelusi loliDvwala laka-Israyeli.

Jobe 17:9

Noko, labangcwele batawubambelela etindleleni tabo, nalabo labatandla tabo tingenacala lalutfo batawuchubeka babe nemandla lamasha.

Tihlabelelo 51:13

ngiyawube sengifundzisa lababi tindlela takho, netoni tiyawuphendvuka tibuyele kuwe.

Tihlabelelo 84:7

Bayatfutfuka emandleni baye emandleni; Nkulunkulu wabonkulunkulu uyawubonakala eSiyoni.

Isaya 40:29

Ubapha emandla labo labakhatsele, awandzise emandla alababutsakatsaka.

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Imisebenti yebaPhostoli 17:3

abachazela abakhombisa ngekwemiBhalo kutsi Khristu bekufanele afe aphindze avuke kulabafile, asho nekusho kutsi: “LoJesu lengimshumayelako kini nguye loKhristu.”

Imisebenti yebaPhostoli 18:5

Kwatsi kube kufike Silasi naThimothi baphuma eMasedoniya, Pawula wase utinikela ngalokuphelele ekushumayeleni nasekufakazeni kumaJuda kutsi Jesu unguKhristu.

Imisebenti yebaPhostoli 28:23

Ngako-ke emaJuda amisa lilanga lekubonana naPawula. Ngalelo langa bantfu befika baba banyenti lapho bekuhlala khona Pawula. Kusukela ekuseni laze layawumbamba unina seloku afakaza ngekubachazela ngembuso waNkulunkulu. Wetama kubenelisa ngaJesu ngekubakhumbuta lokusemtsetfweni waMosi nangemiBhalo yebaphrofethi.

Imisebenti yebaPhostoli 9:20

Masinyane wacala kushumayela emasinagogeni ngaJesu atsi: “UyiNdvodzana yaNkulunkulu.”

Imisebenti yebaPhostoli 9:21

Bonkhe labamuva bamangala babutana bodvwana batsi: “Akusiyo yini lendvodza lebeyibulala bonkhe lababita lelibito eJerusalema? Khona kantsi nje ayiketi lapha ngalenjongo yekubabopha ibamikise kubaphristi labakhulu yini?”

Imisebenti yebaPhostoli 9:23

Emvakwemalanga lamanyenti, emaJuda ahlangana enta lisu lekumbulala.

Imisebenti yebaPhostoli 9:27

Noko Bhanabasi wamsita ngekutsi amtsatse amyise kubaphostoli. Wafike wabachazela kutsi Sawula wayibona kanjani iNkhosi endleleni, nekutsi iNkhosi yakhuluma naye. Wabatjela futsi nekutsi Sawula washumayela kanjani ngesibindzi ngelibito laJesu eDamaseko.

1 kubaseKorinthe 1:27

Kodvwa Nkulunkulu wakhetsa lokubulima emhlabeni, kuze ajabhise labahlakaniphile, wakhetsa lokubutsakatsaka, kuze ajabhise lokunemandla.

KubaseGalathiya 1:18

Emvakweminyaka lemitsatfu ngenyuka ngayawubonana naKhefase eJerusalema; ngefika ngahlala naye emalanga lali-15.

KubaseFiliphi 4:13

Nginemandla ekwenta konkhe ngaye Khristu longicinisako.

1 kuThimothi 1:12

Ngiyambonga Khristu Jesu iNkhosi yetfu longiphe emandla, ngobe wangetsemba ngekungifaka emsebentini wakhe.