Imisebenti yebaPhostoli 7:47 - Siswati 1996 Bible

kodvwa nguSolomoni lowaze wamakhela indlu.

Imisebenti yebaPhostoli 7:47 Referencias Cruzadas

2 Samuweli 7:13

Nguye-ke longuyena ayawungakhela indlu, ayakhele Libito lami, ngiyakumisa sihlalo sebukhosi bembuso wakhe phakadze naphakadze.

1 Emakhosi 5:1

Watsi kube Hiramu, inkhosi yaseThire, eve kutsi Solomoni sewugcotjiwe kutsi atsatse sikhundla seyise Davide, watfumela emancusa akhe kuSolomoni, ngobe abeloku angumngani waDavide.

1 Emakhosi 6:1

Emnyakeni wema-480 kusukela ema-Israyeli aphuma eGibithe, lekwakungumnyaka wesine inkhosi Solomoni yatsatsa sihlalo sebukhosi, ngenyanga yesibili lenguZivu, Solomoni wacala kwakha lithempeli laSimakadze.

1 Emakhosi 8:20

“Simakadze usigcwalisile setsembiso sakhe lasenta: Mine ngilandzele babe Davide, manje sengihleti esihlalweni sakhe sebukhosi saka-Israyeli, njengobe vele Simakadze abetsembisile, futsi sengilakhile nalelithempeli, ngalakhela Libito laSimakadze, Nkulunkulu wema-Israyeli.

1 Tikhronike 17:1

Kwatsi Davide nase ahleti kahle atintile esigodlweni sakhe, wase ukhuluma kuNathani, umphrofethi, watsi: “Buka la! Mine ngihleti kahle esigodlweni lesakhiwe ngemisedari, kodvwa libhokisi lesivumelwane saSimakadze lihleti ethendeni.”

2 Tikhronike 3:1

Solomoni wase uyacala-ke kwakha lithempeli laSimakadze eJerusalema, eNtsabeni yaseMoriya, lapho Simakadze atibonakalisa khona kuyise Davide. Kwakungusebaleni lekubhulela kolo laka-Arawuna, umJebhusi, indzawo leyayilungiswe nguDavide.