Ngako ticumbi tamangala natibona timungulu tikhuluma, tingini tiphelele, tinchute tihamba, netimphumphutse tibona; tase tidvumisa Nkulunkulu wema-Israyeli.
Imisebenti yebaPhostoli 4:21 - Siswati 1996 Bible Liqoqo lelo labaficisisa kakhulu, lase liyabakhulula, ngobe alisitfolanga sizatfu sekubajezisa, ngobe bonkhe bantfu bebadvumisa Nkulunkulu ngaloko lebekwentekile. |
Ngako ticumbi tamangala natibona timungulu tikhuluma, tingini tiphelele, tinchute tihamba, netimphumphutse tibona; tase tidvumisa Nkulunkulu wema-Israyeli.
Kepha batsi: “Kufanele singakwenti ngesikhatsi semkhosi, ngobe bantfu bangahle bente siphitsiphitsi.”
Latsi kube likhishwe lelidimoni, lendvodza yase iyakhuluma. Bantfu bonkhe bamangala, baze batsi: “Akuzange sekubonwe lokunje ka-Israyeli!”
Bantfu batsi kube bakubone loko, betfuka badvumisa Nkulunkulu lonika bantfu emandla lanjalo.
Lemphendvulo yakhe yenta tonkhe titsa takhe taba nemahloni, kantsi bantfu bonkhe bebajabulela tonkhe timangaliso labetenta.
Tati temtsetfo nebaphristi labakhulu betama kumbopha Jesu khona lapho, ngobe bebati kutsi lomfanekiso wawucondze kulahla bona; kodvwa besaba bantfu.
Kodvwa nasitsi: ‘Laliphuma kubantfu,’ sonkhe lesicumbi sebantfu sitasigcoba ngematje, ngobe bayakholwa kutsi Johane abengumphrofethi.”
Baphristi labakhulu netati temtsetfo betama kwenta lisu lekubulala Jesu; noko babesaba bantfu.
Bonkhe bantfu bamangala ngekwesaba lokukhulu badvumisa Nkulunkulu batsi: “Maye, tsine sibone tintfo letimangalisako lamuhla lapha!”
Kodvwa kuze siyicitse lendzaba, ingandzi la kubantfu, asibafice, sibatjele kutsi bangaphindzi bakhulume nome kukubani ngelibito laJesu.”
Lendvodza lebekwentiwe kuyo lesibonakaliso sekuphiliswa yayineminyaka lengetulu kwema-40 budzala.
Kwabate namunye lowaba nesibindzi sekuhlanganyela nabo, lite nome bantfu babebadvumisa kangaka.
Ngako lesiphatsimandla sahamba netinceku taso, sefike satsatsa baphostoli sababuyisa. Kodvwa ababaphocanga ngenkhani, ngobe babesaba kutsi bantfu babengahle babagcobe ngematje.
Base bangenisa baphostoli, babashaya babayala futsi kutsi bangaphindzi bakhulume ngelibito laJesu, base bayabakhulula.