Imisebenti yebaPhostoli 4:1 - Siswati 1996 Bible

Kwatsi boPhetro naJohane basakhuluma kubantfu, kwasondzela kubo baphristi, nemphatsi wabogadzi belithempeli, nebaSadusi.

Imisebenti yebaPhostoli 4:1 Referencias Cruzadas

Matewu 16:12

Base bayabona bafundzi kutsi abengasho yona imbiliso yesinkhwa, kepha abesho timfundziso tebaFarisi nebaSadusi.

Matewu 22:16

Base batfumela kuye labanye bafundzi babo kanye nemalunga ephathi yemaHerodi. Befike batsi: “Mfundzisi, siyati kutsi wena uneliciniso, ufundzisa indlela yaNkulunkulu ngeliciniso, awunaki muntfu, ngobe awubuki buso bemuntfu.

Matewu 27:20

Kepha baphristi labakhulu netibondza bativumisa leticumbi kutsi ticele Bharaba, kubulawe Jesu.

Matewu 27:41

Kanjalo futsi nebaphristi labakhulu, netati temtsetfo, netibondza bamphukuta, batsi:

Matewu 3:7

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Lukha 20:1

Ngalelinye lilanga Jesu asafundzisa ashumayela bantfu ethempelini ngeliVangeli, baphristi labakhulu netati temtsetfo kanye netibondza beta

Lukha 22:4

Ngako wahamba wayawukhuluma nebaphristi labakhulu netindvuna tebalindzi belithempeli kutsi angabatsengisela kanjani loJesu.

Johane 15:20

Khumbulani livi lenganitjela lona kutsi: ‘Kute sisebenti lesikhulu kunemcashi waso.’ Nangabe mine bangihlupha, nani futsi bayawunihlupha; nangabe bawagcina emavi ami, newenu bayakuwagcina.

Johane 18:3

Ngako-ke Judasi wavele wacondza khona kuleyo ndzawo, ahamba nesicuku lesikhulu semasotja, nalabanye bogadzi belithempeli lababetfunywe baphristi labakhulu bakanye nebaFarisi. Babehlome tikhali, baphetse emalambu netidlwane.

Imisebenti yebaPhostoli 4:6

Bahlangana na-Anasi labengumPhristi Lomkhulu, naKhayafase, naJohane, na-Alekzanda, nelusendvo lwemPhristi Lomkhulu.

Imisebenti yebaPhostoli 5:17

Kwase kutsi umPhristi Lomkhulu nabo bonkhe labenabo, kanye nemalunga lamanye ebaSadusi, baba nemona lomkhulu ngebaphostoli; bavumelana ngekutsi babatsatsele tinyatselo.

Imisebenti yebaPhostoli 5:24

Nasikuva loko siphatsimandla lesiphetse bogadzi belithempeli, nebaphristi labakhulu nabakuva loko, bamangala kutsi ngabe kwentekeni kubaphostoli.

Imisebenti yebaPhostoli 5:26

Ngako lesiphatsimandla sahamba netinceku taso, sefike satsatsa baphostoli sababuyisa. Kodvwa ababaphocanga ngenkhani, ngobe babesaba kutsi bantfu babengahle babagcobe ngematje.

Imisebenti yebaPhostoli 6:12

Ngalelicebo labo benta kutsi bonkhe bantfu, netibondza, netati temtsetfo timvukele kamatima. Bamdvumela Stefano, bambamba, bammikisa embikweLiqoqo letiphatsimandla.

Imisebenti yebaPhostoli 6:7

Ngako-ke livi laNkulunkulu lachubeka landza kakhulu. Nebunyenti bebafundzi eJerusalema bandza kakhulu, kantsi nelinyenti lebaphristi lakwemukela kukholwa.