Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”
Imisebenti yebaPhostoli 3:25 - Siswati 1996 Bible Tetsembiso taNkulunkulu ngebaphrofethi bakhe ngetenu, ninesabelo nani kulesivumelwane lesentiwa nguNkulunkulu kubokhokho benu. Washo naku-Abrahama watsi: ‘Ngesitukulwane sakho ngiyawubusisa bonkhe bantfu emhlabeni.’ |
Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”
Kepha Nkulunkulu watsi: “Cha, Sara, umkakho, utakutalela indvodzana, uyetse libito utsi ngu-Isaka. Ngitawumisa sivumelwane sami naye nentalo yakhe kube sivumelwane saphakadze.
Phela, Abrahama utawuba sive lesikhulu lesinemandla, tonkhe tive temhlaba tiyawubusiswa ngaye.
Manje-ke, mncandzekise lomfati walendvodza, ngobe ingumphrofethi; itakuthandazela bese uyaphila. Kodvwa nawungamncandzekisi, ubovele wati kutsi utakufa, wena nebantfu bakho.”
Titukulwane takho ngiyawutandzisa tibe ngangetinkhanyeti tesibhakabhaka. Onkhe lamave ngiyakuwanika titukulwane takho. Tive tonkhe temhlaba tiyawubusiswa ngetitukulwane takho,
Titukulwane takho tiyawuba ngangelutfuli lwemhlaba. Uyakwandza nemhlaba wonkhe wenabele enshonalanga, nasemphumalanga, nasenyakatfo, naseningizimu. Tonkhe tive temhlaba tiyawubusiswa ngawe nangetitukulwane takho.
Wakhandza kutsi inhlitiyo yakhe yetsembekile kuwe, wase wenta sivumelwane naye kutsi lelo live uyawuliniketa titukulwane takhe, live lemaKhenani, nemaHethi, nema-Amori, nemaPheresi, nemaJebhusi kanye nemaGirigashi. Usigcinile setsembiso sakho, ngobe wena ulungile.
Umhlaba wonkhe uyakukhumbula ugucukele kuSimakadze, yonkhe imindeni netive temhlaba tiyawukhotsama embikwakhe,
Phakamisani Simakadze esikhundleni sakhe, nine mindeni yetive. Nikani Simakadze ludvumo nemandla.
Watsi utawubonakalisa sihawu kubokhokho betfu, akhumbule sivumelwane sakhe lesingcwele,
“Bazalwane, ntalo ya-Abrahama, nani nonkhe lenimesabako Nkulunkulu, lelivi lensindziso litfunyelwe kitsi.
Ngobe setsembiso saNkulunkulu senu nesebantfwabenu kanye nabo bonkhe labakhashane, lowo nalowo loyawubitwa nguNkulunkulu, iNkhosi yetfu, kutsi ete kuye.”
Nginitjela kutsi Khristu waba sisebenti sebekusoka, khona atewubonakalisa buciniso baNkulunkulu ngekugcwalisa tetsembiso taNkulunkulu kubokhokho,
Setsembiso sekutsi uyawuba yindlalifa yemhlaba asinikwanga Abrahama nome situkulwane sakhe ngobe agcine umtsetfo, kodvwa ngobe wakholwa wase wemukelwa nguNkulunkulu kutsi ulungile.
Mayelana netetsembiso letanikwa Abrahama nentalo yakhe: “Intalo” yinye, hhayi lenyenti. Akukhulunywa ngalenyenti, kodvwa kushiwo yinye; leyo-ke nguKhristu.
UmBhalo wakubona kucala kutsi Nkulunkulu nebetive uyawubalungisisa ngekukholwa; ngiwo lowashumayela liVangeli kucala ku-Abrahama watsi: “Tive tonkhe tiyawubusiswa ngawe.”
Ngase ngibona lenye ingilosi indiza emkhatsini esibhakabhakeni, iphetse liVangeli lelingunaphakadze lekushunyayelwa kulabo labahlala emhlabeni, etiveni tonkhe, nasemindenini yonkhe, nasetilimini tonkhe, nakubantfu bonkhe.
Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.
Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.