Imisebenti yebaPhostoli 2:4 - Siswati 1996 Bible Bonkhe bagcwaliswa ngaMoya Longcwele; base bakhuluma ngaletinye tilimi, njengobe Moya wabapha kuphumisela. |
Kulungile-ke, ngetindzebe temlomo wekuchamuka nangetilimi letingatiwa Nkulunkulu uyawukhuluma kulesive,
Simakadze utsi: “Mine-ke, nasi sivumelwane sami nabo, Moya wami losetikwakho nemavi ami lengiwafake emlonyeni wakho, ngeke esuke emlonyeni wakho, ngisho nasemlonyeni webantfwabakho, kanye nasemlonyeni wetitukulwane takho, kusukela kulesikhatsi kuze kube nguphakadze,” kusho Simakadze.
Kodvwa mine ngigcwele lulaka lwaSimakadze, futsi ngingeke ngisalubeketelela lukimi. Simakadze wase utsi kimi: “Lutfululele kubantfwana labasetitaladini, nasemajaheni labutsene ndzawonye; bonkhe bafati nemadvodza abo bayawubhajwa kulo, kanye nalabadzala labo lasebahanjelwe ngiminyaka.
Hamba nyalo uye kubantfu bakini labatfunjiwe, ufike ukhulume kubo, utsi: ‘Naku lokushiwo yiNkhosi Simakadze,’ nome bayakulalela nome abakulaleli.”
Kepha mine, Simakadze ungigcwalisa ngaMoya nangemandla akhe, anginike luvelo lwekwenta tintfo ngekulunga, anginike nesibindzi sekutjela Israyeli lapho one khona nekutsi tono takhe ngutiphi.
Kepha-ke nabanimangalele, ningahlupheki ngekutsi niyawutsini nekutsi nikusho kanjani; ngobe nakufika leso sikhatsi, niyawunikwa lenifanele nikusho.
Labakholwako bayawuba nanati tibonakaliso: Bayawukhipha emadimoni ngelibito lami, bakhulume ngetilimi letinsha,
ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.
Kwatsi lapho Elizabethe nakeva kubingelela kwaMariya, umntfwana wagcuma esiswini sakhe. Elizabethe wagcwaliswa ngaMoya Longcwele,
ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.
Kepha uMeluleki, Moya Longcwele, Babe latamtfumela egameni lami, utanifundzisa konkhe, anikhumbute konkhe lenginitjele kona.
Johane wabhabhatisa ngemanti, kodvwa emvakwemalangana nine nitawubhajatiswa ngaMoya Longcwele.”
Kodvwa nine nitawugcwaliswa ngemandla, nasefikile kini Moya Longcwele, niyawuba bofakazi bami eJerusalema, naseJudiya lonkhe, naseSamariya, kuze kube ngusekugcineni kwemhlaba.”
ngobe babeva sebakhuluma ngetilimi badvumisa bukhulu baNkulunkulu. Khona Phetro wakhuluma watsi:
“Labantfu sebemukele Moya Longcwele, njengobe natsi samemukela. Kepha ukhona yini longahle abavimbele kutsi babhajatiswe ngemanti?”
Bhanabasi abengumuntfu lolungile agcwele Moya Longcwele nekukholwa. Bantfu labanyenti bengetekela eNkhosini.
Nkulunkulu, lowati tinhlitiyo tebantfu, wakhombisa kuvumela betive ngekubanika Moya Longcwele, njengobe enta nakitsi.
Kwatsi Pawula asabeka tandla etikwabo, behlelwa nguMoya Longcwele. Bakhuluma ngetilwimi letehlukene baphrofetha.
emaJuda nebetive lababephendvukele enkholweni yemaJuda, nalabanye betfu baphuma eKhrethe nase-Arabiya, kodvwa sonkhe lapha sibeva ngetilimi takitsi bakhuluma ngemisebenti lemikhulu yaNkulunkulu.”
Kwabonakala kubo inkhehlenkhehle yemlilo kusengatsi yetilimi letehlukana ekhatsi, tahlala emuntfwini ngamunye ngamunye.
Nabacedza kuthandaza, lendzawo babehlangene kuyo yatanyatanyiswa. Bonkhe bagcwaliswa ngaMoya Longcwele, bacala bakhuluma livi laNkulunkulu ngesibindzi.
Ngako-ke, bazalwane, khetsani emkhatsini wenu emadvodza lasikhombisa leniwatiko kutsi aneludvumo loluhle nalagcwele Moya Longcwele nekuhlakanipha, ngawo-ke lesitakuwanika aphatse lomsebenti.
Bonkhe bantfu basijabulela lesincomo sebaphostoli; ngako bakhetsa Stefano, indvodza leyayigcwele kukholwa naMoya Longcwele, naFiliphu, naPhrokhorusi, naNikhano, naThimoni, naPhamenasi, kanye naNikholawusi wase-Antiyokhi, yena-ke abengewetive, kodvwa abephendvukele enkholweni yebuJuda.
Stefano, labegcwele umusa nemandla aNkulunkulu, wenta tibonakaliso netimangaliso emkhatsini webantfu.
Kodvwa Stefano agcwele Moya Longcwele, wabuka ezulwini wabona bukhatikhati baNkulunkulu, naJesu eme ngasesandleni sekudla saNkulunkulu.
Ngako-ke Ananiyase wahamba, wangena endlini wabeka tandla etikwaSawula. Watsi: “Mzalwane, Sawula, iNkhosi Jesu lebonakele kuwe endleleni ingitfumile kutsi ubone futsi, ugcwaliswe ngaMoya Longcwele.”
Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.
lomunye kwenta imisebenti yemandla, lomunye kuphrofetha, lomunye kwehlukanisa imimoya, lomunye kukhuluma ngetilimi, lomunye kuhumusha tilimi.
Nome ngikhuluma ngetilimi tebantfu netetingilosi, kepha nangite lutsandvo, ngiyatikhulumela nje, ngifanana nelitfusi lelikhencetako nome insimbi lencencetsako.
Lutsandvo alusoze luphele; kepha nome kukhona kuphrofetha, kuyawuphela; nome kukhona tilimi, tiyawuphela; nome kukhona lwati, luyawuphela.
Yebo-kona bengingatsandza kutsi nonkhe nikhulume ngetilimi, kepha bengingatsandza kakhulu kutsi niphrofethe. Vele-ke mkhulu lophrofethako kunalowo lokhuluma ngetilimi, ngaphandle kwekutsi atihumushe, khona kutewusitakala libandla, lakheke.
yebo, nekulwati lutsandvo lwakhe lolwendlula konkhe kwati, kuze ngigcwaliswe kube kuphelela konkhe kwaNkulunkulu.
Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.
Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.
Kute siphrofetho lesake seta ngentsandvo yemuntfu; kodvwa bantfu bakhuluma lokukwaNkulunkulu, bachutjwa nguMoya Longcwele.
wase ukhuluma kuye utsi: “Utawuchubeka kuhlala udzakiwe kuze kube ngunini? Yekela leliwayini lakho.”
Batsi nabefika eGibeya, ludvwendvwe lwebaphrofethi lwahlangana naSawula; Moya waNkulunkulu wehlela etikwakhe ngemandla lamakhulu, naye wase uhlanganyela nabo ekuphrofetheni.