Nkulunkulu wambuta watsi: “Ngubani losakutjele kutsi uhamba ngcunu? Sewusidlile yini lesitselo salesihlahla lengakuyala ngaso kutsi ungabosidla?”
Hoseya 6:7 - Siswati 1996 Bible Njenga-Adamu, sebasephulile sivumelwane, abaketsembeki kimi. |
Nkulunkulu wambuta watsi: “Ngubani losakutjele kutsi uhamba ngcunu? Sewusidlile yini lesitselo salesihlahla lengakuyala ngaso kutsi ungabosidla?”
Ngako-ke watsi umfati kube abone kutsi lesihlahla sasifanelwe kudliwa, nekutsi sasibukeka sisihle, nekutsi lesihlahla sasifanele kumhlakaniphisa umuntfu, wakha kulesihlahla wadla. Wanika nendvodza yakhe, nayo yadla.
Batala timiso takhe nesivumelwane sakhe labesente naboyisemkhulu, kanye neteluleko labebeluleke ngato. Balandzela tithico letingenamsebenti walutfo, nabo bagcina sebangenamsebenti walutfo. Basuke balingisa letive letatakhelene nabo, kantsi Simakadze abebayalile watsi: “Ningabalingisi.” Benta kona kanye loko Simakadze labetsite bangabokwenta.
Ngake ngasifihla yini sono sami, njengobe kuhlale kwenta emadvodza, ngake ngalifihla yini licala lami enhlitiyweni yami?
Siva kuhlabela kuchamuka emikhawulweni yemhlaba, kutsi: “Ludvumo kuLolungile!” Kodvwa mine ngatsi: “Ngiyahusheka! Ngiyahusheka! Maye kimi! Labenta luzungu bachubeka ngeluzungu! Luzungu lwekutsengisa labanye bantfu!”
Umhlaba ungcoliswe bantfu bawo. Umtsetfo waNkulunkulu abawulalelanga, bephule imiyalo, bephula sivumelwane saphakadze.
Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.
Bengicabanga ngitsi emvakwekwenta konkhe loko, nakanjani utawubuyela kimi, kodvwa akakwenti loko, ngisho nadzadzewabo longaketsembeki, Juda, ukubonile loko.
Lesivumelwane singeke sifanane naleso lengasenta naboyisemkhulu ngesikhatsi ngibabamba ngesandla ngibahola ngibakhipha eGibhithe, ngobe basephula sivumelwane sami, nome ngangiyindvodza kubo,” kusho Simakadze.
Lamadvodza lephule sivumelwane sami angete atigcwalisa timiso tesivumelwane lasente embikwami, ngiyakuwaphatsa njengalelinkhonyane lalihlahlela ekhatsi laba tincetu letimbili ase ahamba emkhatsini waletincetu acinisa lesivumelwane.
Indlu yaka-Israyeli nendlu yakaJuda betingaketsembeki nakancane nje kimi,” kusho Simakadze.
Wena uhlala emkhatsini wemanga odvwa, ngalamanga abo bayala kungemukela,” kusho Simakadze.
Abaketsembeki kuSimakadze; batala emavezandlebe. Manje emadzili abo ekwetfwasa kwenyanga atawubamita bona kanye nemasimi abo.”
“Beka licilongo etindzebeni takho temlomo! Lusweti lusetikwendlu yaSimakadze, ngobe sive sisephulile sivumelwane sami, sawuhlubuka nemtsetfo wami.
Kodvwa kusukela esikhatsini sa-Adamu kuye esikhatsini saMosi bonkhe bantfu babuswa kufa, ngisho nalabo labangazange bone njenga-Adamu. Adamu abesitfunti salowo abetawufika.
Ngitawutsi ngingabangenisa kulelive leligcwele lubisi neluju lwetinyosi, live lengaletsembisa ngesifungo kubokhokho babo, futsi batsi bangadla besutse, banotse, bayawube sebaphambukela kulabanye bonkulunkulu babakhonte, bangilahle mine, bephule nesivumelwane sami.
Lesivumelwane asiyiwufanana naleso lengasenta naboyise, ngesikhatsi ngibabamba ngesandla ngibakhipha eveni laseGibhithe. Abasigcinanga leso sivumelwane sami, ngako-ke nami angibange ngisabanaka,” isho iNkhosi.