Hoseya 4:10 - Siswati 1996 Bible

“Bayakudla tabelo tabo temihlatjelo, kodvwa bangeke besutse; bayawungenela bugwadla, kodvwa bangandzi, ngobe bamshiyile Simakadze,

Hoseya 4:10 Referencias Cruzadas

2 Tikhronike 24:17

Kwatsi emvakwekufa kwaJehoyada, tindvuna takaJuda teta kutawuvusela enkhosini, yafike yatilalela.

Tihlabelelo 125:5

Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!

Tihlabelelo 36:3

Inkhulumo yakhe ikuganga nemacebo; ubuyekele bucotfo bakhe nekwenta lokulungile.

Taga 13:25

Umuntfu lolungile udla esutse; kodvwa sisu salababi sihlala silambile.

Jeremiya 34:15

Khona nyalo nje nike naphendvuka nenta lokuhle emehlweni ami, kwaba ngulowo nalowo wenu wamemetela inkhululeko kubantfu bakubo. Nidzimate nenta ngisho nesivumelwane embikwami nisendlini leneLibito lami.

Jeremiya 9:12

Ngubani umuntfu lohlakaniphile kangangekutsi angakucondza loku? Ngubani lofundziswe nguSimakadze kutsi angakuchaza loku? Lelive lentiwe leni laba tindzala njengelihlane lokutsi kubete muntfu lowendlula ekhatsi kulo?

Hezekeli 18:24

“Kodvwa nangabe lolungile agucuka ekulungeni kwakhe ente sono, ente tintfo letifananako netalomubi letisinengiso, utsi kambe lonjalo angaphila? Cha, kute nakunye kwetintfo letinhle latentile lokuyawukhunjulwa. Ngenca yekungetsembeki lasanelicala lako, nangenca yetono layawube asatentile, uyawukufa.

Hezekeli 22:9

Kuwe kunebantfu labahlebako, labanhloso yabo isekucitseni ingati; ekhatsi kuwe kunalabo labadlela etintsabeni lekutsiwa tingcwele, bavusele khona tinkhanuko tekulalana.

Hoseya 4:14

“Ngingeke ngiwajezise emadvodzakati enu nase angenela bugwadla, nabomalukatane benu ngingeke ngibajezise nase baphinga, ngobe ngiwo lamadvodza, ngisho labaphristi cobo lwabo, labesukelana naletingwababane, bente umhlatjelo netingwababane tasethempelini. Sive lesingenakucondza siyawubhubha!

Hoseya 7:4

Bonkhe batiphingi, bashisa njengelihhavu lona lelimlilo walo lophekako akadzingi kuwukhwetela, kusukela ekubhuceni inhlama ize ikhukhumuke.

Levithikusi 26:26

Umtfombo wesinkhwa ngiyakuwujuba kangangekutsi bafati labalishumi bayawuhlanganyela hhavini munye kupheka sonkhe sinkhwa labanaso. Bayawukwenetisana ngalelo lite labayawube banalo. Niyawudla, kodvwa ningeke nesutse.

Mikha 6:14

Niyawudla kudla, kodvwa ningesutsi; empeleni, niyawuchubeka nilambe. Niyawutibekela tivuno, kodvwa aniyiwukhona konga. Konkhe lenikongako ngiyawukucedza ngemphi.

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

Hagayi 1:6

Nihlanyele kakhulu, navuna kuncane. Niyadla, anesutsi; niyanatsa, kodvwa anikholwa. Niyembatsa, kodvwa anifutfumali. Niyahola imali yenu, niyifake esipatjini lesinetimbobo.”