Hoseya 14:3 - Siswati 1996 Bible

I-Asiriya ngeke isisindzise; singeke siwagibele emahhashi emphi. Singeke siphindze sisho futsi, sitsi: ‘Bonkulunkulu betfu’ kuloko lokwakhiwa tandla tetfu, ngobe kuwe wena wedvwa tintsandzane letite boyise titfola sihawu.”

Hoseya 14:3 Referencias Cruzadas

2 Tikhronike 16:7

Ngaleso sikhatsi Hanani, umboniswa, weta ku-Asa, inkhosi yakaJuda, wakhuluma kuye watsi: “Njengobe wetsembele enkhosini yaseSiriya, esikhundleni sekwetsembela kuSimakadze Nkulunkulu wakho, umbutfo waseSiriya sewukushiyile wakubalekela.

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 146:3

Ningetsembeli etikhulwini nakubantfu, kute kubantfu lusito.

Tihlabelelo 146:9

Simakadze uyabalondvolota bafokati, uyabaphasa bafelokati netintsandzane, kodvwa indlela yalababi uyayibhubhisa.

Tihlabelelo 33:17

Lihhashi lemphi lingeke likukhulule; nome lingaba nemandla lamakhulu, lingeke likusindzise.

Tihlabelelo 68:5

Nguye uyise wetintsandzane, nemlondvoloti webafelokati, unguNkulunkulu losendzaweni yakhe lengcwele.

Isaya 1:29

“Niyakudliwa ngemahloni ngenca yema-okhi latithico, lese nitijabulise ngawo; niyawuhlazeka ngenca yetingadze tekukhontela tithico, lese nitikhetsile.

Isaya 2:20

Ngalelo langa bantfu bayawulahla tithico tabo emagundvwaneni nasemalulwaneni; yebo, tithico tabo tesiliva kanye netithico tabo tegolide, lababetentele kutikhonta.

Isaya 27:9

Ngaloku-ke licala lakaJakobe liyawube selihlawulelwe, loku kuyawuba sitselo lesiphelele sekwesulwa kwesono sakhe: Ngesikhatsi enta onkhe emalati ematje, kutsi abe njengematje emcakaco, aphushuke abe timvutfu, kute nayinye insika ya-Ashera nome lilati lemphepho leliyawusala limile.

Isaya 30:16

Natsi nine: ‘Cha, tsine sitawubaleka ngemahhashi.’ Ngako-ke nitawubaleka! Nine natsi: ‘Sitawugibela emahhashini lagijimisa kwembane.’ Ngako-ke laba labanicoshako nabo bayawugijimisa kwembane!

Isaya 30:2

labo labehlela entasi eGibhithe babe bangakaceli kimi, labafunana nelusito kuFaro kutsi abavikele, nesitfunti saseGibhithe sekuphephela.

Isaya 31:1

Maye kulabo labaya eGibhithe bayewucela khona lusito, labetsembela emahhashini, betsembele nasebunyentini betincola tabo temphi, nasemandleni lamakhulu ebagibeli babo bemahhashi, kodvwa bangabuki kuLongcwele waka-Israyeli, nome-ke bafune lusito kuSimakadze.

Isaya 31:3

Kodvwa baseGibhithe bantfu nje, abasiye Nkulunkulu, nemahhashi abo ayinyama nje, akasiwo umoya. Simakadze utsi nakaphakamisa sandla sakhe, kutsi lowo lositako akhubatele, nalowo lositwako yena awe, babhubhe bonkhe kanyekanye.

Isaya 36:8

“ ‘Buya-ke nyalo, wente sivumelwane nemphatsi wami, inkhosi yase-Asiriya: Ngitakunika emahhashi lati-2 000, nawungaba nebantfu labangawagibela.

Jeremiya 49:11

Shiya tintsandzane takho, ngitativikela timphilo tato, nebafelokati bakho nabo bangetsembela kimi.”

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Hezekeli 37:23

Abasayikutingcolisa bona ngetithico tabo nangetitfombe letinengekako, nanganome ngusiphi setono tabo, ngobe ngiyawubasindzisa kuto tonkhe tono tabo tekuhlubuka, ngibageze. Bayakuba bantfu bami, mine ngibe nguNkulunkulu wabo.

Hoseya 12:1

Efrayimu utondla ngemoya, ucoshana nemoya wasemphumalanga lonkhe lilanga, wandzise emanga nebudlova. Wakha sivumelwane ne-Asiriya, atfumele emafutsa emncumo eGibhithe.

Hoseya 13:2

Manje bachubeka nako kona; batentela tithico ngesiliva yabo, titfombe letakhiwe ngekuhlakanipha lokukhulu. Konkhe kungumsebenti wencondzi yetekubata. “Benta imihlatjelo ngebantfu bange letithico letimise kwematfole.”

Hoseya 14:8

Awu, Efrayimu, ngisenandzabani netithico? Ngiyawukuphendvula, ngikunakekele. Ngifanana nesihlahla lesiluhlata sesipheshula; kutsela kahle kwakho kuphuma kimi.”

Hoseya 2:17

“Emabito aboBhali ngiyakuwesusa emlonyweni wakhe; nemabito abo angeke asacelelwa lusito.

Hoseya 4:12

kwebantfu bami. Indlela bayibuta etithicweni tetigodvo, baphendvulwe yindvuku yelugodvo. Umoya webugwadla uyabedukisa; abaketsembeki kuNkulunkulu wabo.

Hoseya 5:13

“Watsi kube Efrayimu abone kugula kwakhe, naJuda abone emanceba akhe, Efrayimu wase ugucukela e-Asiriya, watfumela enkhosini lenkhulu kuyawucela lusito. Kodvwa iyehluleka kunelapha, iyehluleka kupholisa emanceba enu.

Hoseya 7:11

“Efrayimu ufanana nelituba, usheshe ayengeke, akanangcondvo. Bacela lusito eGibhithe, baze babalekele e-Asiriya!

Hoseya 8:6

Lesithico siphuma ka-Israyeli! Lelitfole lentiwe ngumuntfu loyingcweti kutekubata, alisiye Nkulunkulu. Litakwephulwa libe ticucu, lelo tfole laseSamariya.

Hoseya 8:9

Ngobe sebakhuphukele e-Asiriya kuyawufuna lusito njengembongolo yesiganga lezulazula yodvwana. Efrayimu sewutitsengise yena emashendeni akhe.

Jona 2:10

Simakadze wakhuluma enhlantini, yase ihlantela Jona elugwini, emhlabatsini lowomile.

Zakhariya 13:2

“Ngalelo langa ngiyakuwadzingisa emabito etithico kulelive, futsi tingeke tiphindze tikhunjulwe. Baphrofethi nemoya wekungahlanteki kokubili, ngiyawukususa eveni,” kusho Simakadze longuSomandla.

Johane 14:18

“Ngingeke nginishiye nitintsandzane, ngitawubuya ngite kini.

Dutheronomi 17:16

Leyo nkhosi futsi akukafaneli ifune kuba nemahhashi lamanyenti langewayo, nome yente bantfu badzimate bancandzeke babuyele eGibhithe kuyawulandza lamanye, ngobe phela Simakadze wanitjela watsi: ‘Ningaphindzi nincandzeke nihambe ngaleyo ndlela futsi.’