Davide wakhuluma kuNathani, watsi: “Ngonile kuSimakadze.” Nathani waphendvula watsi: “Simakadze sewusisusile sono sakho. Ungeke usafa.
Hoseya 14:2 - Siswati 1996 Bible Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu. |
Davide wakhuluma kuNathani, watsi: “Ngonile kuSimakadze.” Nathani waphendvula watsi: “Simakadze sewusisusile sono sakho. Ungeke usafa.
Kodvwa, emvakwekube Davide asalwentile lubalo, nembeza wakhe wacala kumehlulela, wakhuluma kuSimakadze watsi: “Ngonile kakhulu ngaloku lengikwentile. Manje! Awu! Simakadze! Ngiyakuncenga, susa licala lenceku yakho. Vele, ngente intfo lebulima kakhulu.”
Awuticoleli ngani tiphambuko tami, utsetselele tono tami? Ngobe mine sengitawulala elutfulini masinyane; maye, utase uphenye sewungifuna mine ngingasekho!”
Ngobe futsi ungeke weneliswe yimihlatjelo, nome bengingakunika yona, ngisho nemhlatjelo wekushiswa wonkhe ungeke ukhone kukujabulisa.
Umhlatjelo lowemukeleka kuNkulunkulu ngumoya lowephukile nenhlitiyo ledzabukile. Nkulunkulu ngeke awubukele phansi.
Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”
Lafike latsintsa umlomo wami ngalo, latsi: “Buka la, loku sekutsintse umlomo wakho, ngako licala lakho selesuliwe, nesono sakho sesihlawulelwe.”
Hamba, umemetele lombiko ngasenyakatfo utsi: “ ‘Buya Israyeli longaketsembeki,’ kusho Simakadze. ‘Ngingeke ngisaphindza ngikuswacele, ngobe nginemusa,’ kusho Simakadze. ‘Ngingeke ngisakutfukutselela siphelane.
Kutigcabha kwema-Israyeli kubufakazi lobumelene nawo; ema-Israyeli, ngisho na-Efrayimu, bayakhubateka esonweni sabo; ngisho naJuda ukhubateka kanye nabo.
Ngobe ngifuna sihawu, hhayi umhlatjelo, ngifuna nekumati Nkulunkulu kuneminikelo yekushiswa.
Baphristi labakhonta embikwaSimakadze abakhale emkhatsini wemhubhe welithempeli nelilati. Yebo, abakhale batsi: “Awu, Simakadze, hawukela sive sakho, ungavumi kutsi lifa lakho lelingitsi libe yinhlekisa nentfo yekweyiswa tive. Asikho nesidzingo sekutsi letive tingaze titsi: ‘Uphi loNkulunkulu wabo?’ ”
Kepha mine ngiyawuhlabela kuwe ngelivi lekubonga, nginikele ngemihlatjelo; loko lengikufungele ngiyawukufeza. Insindziso ivela kuSimakadze.”
Lengilosi yakhuluma kulabasiti lababeme embikwayo, yatsi: “Mkhumuleni letimphahla takhe letingcolile.” Yakhuluma kuJeshuwa, yatsi: “Ase ubuke, sono sakho sengisisusile, futsi ngitakwembatsisa imijiva lehlantekile lemihle kakhulu.”
Nangabe-ke nine lenibabi kangaka nikwati kubapha bantfwabenu tipho letinhle, kakhulu kangakanani-ke uYihlo losezulwini utakubapha lokuhle labacela kuye.
Nome ningakalungi kodvwa niyakwati kupha bantfwabenu tintfo letinhle, kakhulu kangakanani-ke, Babe losezulwini uyawubanika Moya Longcwele labo labamcelako.”
“Kodvwa umtselisi eme khashane akazange abhekise ngisho nebuso bakhe ezulwini, kepha ngekutisola wathandaza watsi: ‘Nkulunkulu, ngihawukele mine soni!’ ”
Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!
Nguye lowasisindzisa wasibita ngelubito lwakhe lolungcwele, hhayi ngemisebenti yetfu, kodvwa ngelisu lakhe nangemusa wakhe, lasipha wona kuKhristu Jesu, umhlaba ungakasekelwa,
Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.
Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.
Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.
Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.
Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.