Hoseya 14:1 - Siswati 1996 Bible

Awu, ma-Israyeli, buyani, nibuyele kuSimakadze Nkulunkulu wenu. Tono tenu ngito letiniwisile.

Hoseya 14:1 Referencias Cruzadas

2 Emakhosi 8:12

Hazayeli wabuta watsi: “Inkhosi yami ikhalelani?” Wamphendvula watsi: “Kungobe ngiyawati umonakalo lotakuwenta esiveni saka-Israyeli. Utawuhloseka ngemlilo tonkhe tindzawo tabo letitinqaba, ugwaze labasha babo ngenkemba, udzacate tinswane tabo phansi, uhhubhute tisu tebafati babo labatetfwele.”

Isaya 19:22

Simakadze uyawushaya iGibhithe ngesifo lesibulalanako; uyawubashaya ngaso, aphindze abaphilise. Bayawuphendvukela kuSimakadze, naye uyawukuva kuncusa kwabo, bese uyabaphilisa.

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 4:1

“Awu, Israyeli, nawungamane uphendvuke nje, ubuye kimi,” kusho Simakadze. “Nawungesusa letithico takho letitinengiso, lapha embikwami, ungabe usanhlanhlatseka,

Sililo 5:16

Umchele udzilikile etinhloko tetfu. Maye kitsi! Ngobe sonile.

Hezekeli 16:46

Dzadzewenu lomdzala abenguSamariya, labehlala nemadvodzakati akhe ngasenyakatfo kwakho; dzadzewenu lomncane bekunguSodoma labehlala nemadvodzakati akhe ngaseningizimu kwakho.

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Hezekeli 33:14

Nangabe ngikhuluma kumuntfu lomubi, ngitsi: ‘Ngempela utakufa,’ kodvwa bese uyaphendvuka esonweni sakhe, ente loko lokucotfo nalokulungile,

Hoseya 10:12

Ngake ngatsi: ‘Tihlanyeleleni kulunga, nivune titselo temusa longapheli, bese nilima ingcatfo; ngobe sesikhatsi sekufuna Simakadze, adzimate efike ehlisele imvula yekulunga etikwenu.’

Hoseya 12:6

Kodvwa wena kufanele ubuyele kuNkulunkulu wakho, umtsandze, ulalele imitsetfo yakhe, wente intsandvo yakhe, ulindzele Nkulunkulu wakho ngaso sonkhe sikhatsi.

Hoseya 12:8

Efrayimu uyatigabatisa, utsi: “Nginjinge kakhulu; senginemfuyo lenyenti. Ngalobunjinga bami bonkhe bangeke bakutfole lokubi nome sono kimi.”

Hoseya 13:9

“Awu, Israyeli, ngiyawukubhubhisa ngobe umelene nami, uphambene nemsiti wakho.

Hoseya 4:8

Batondla ngetono tebantfu bami, bajatjuliswe bubi babo.

Hoseya 5:5

Kutigcabha kwema-Israyeli kubufakazi lobumelene nawo; ema-Israyeli, ngisho na-Efrayimu, bayakhubateka esonweni sabo; ngisho naJuda ukhubateka kanye nabo.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Hoseya 9:13

Efrayimu ngimbonile, njengeThire, ahlanyelwe endzaweni lenhle. Kodvwa Efrayimu uyawukhipha bantfwana bakhe, abayise kumbulali.”

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Amose 1:13

Naku lokushiwo nguSimakadze, utsi: “Bantfu baka-Amoni bone kwaze kwengca, ngaleso sizatfu ngingeke ngihlale ngingabajezisi. Ema-Amoni abahlinze beva bafati labatetfwele bakaGileyadi, kuze atekwandzisa iminyele yawo.