Hoseya 11:12 - Siswati 1996 Bible

Efrayimu ungitungelete ngemanga, indlu yaka-Israyeli yangitungeleta ngenkhohliso. Juda naye usichomoketi lesimelene naNkulunkulu, yebo, umelene naLongcwele lowetsembekile.

Hoseya 11:12 Referencias Cruzadas

Genesisi 2:11

Libito lemfula wekucala yiPhishoni; ngulona logeleta utungelete lonkhe live laseHavila, lapho kunegolide khona.

Genesisi 32:28

Lendvodza yatsi: “Libito lakho lingeke lisaba nguJakobe, kodvwa sewutawuba ngu-Israyeli, ngobe ubambene naNkulunkulu nebantfu, wajinge wancoba.”

Tihlabelelo 78:36

Kodvwa babencempheta ngemilomo yabo, bacala emanga kuye ngetilwimi tabo,

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Isaya 44:20

Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Hoseya 10:13

Kodvwa senihlanyele bubi, navuna bubi, nadla sitselo senkhohlakalo. “Ngobe nisuke netsembela kuwenu emandla nasemabutfweni enu lamanyenti,

Hoseya 12:1

Efrayimu utondla ngemoya, ucoshana nemoya wasemphumalanga lonkhe lilanga, wandzise emanga nebudlova. Wakha sivumelwane ne-Asiriya, atfumele emafutsa emncumo eGibhithe.

Hoseya 12:7

Umhwebi usebentisa tikalo letingaketsembeki; uyakutsandza kukhwabanisa timali.

Hoseya 4:15

“Awu Israyeli, nome sewuphinga kangaka nje, ningamenti Juda abe nelicala naye. “Ningayi eGilgali; ningayi eBhethi Aveni. Ningafungi futsi nitsi: ‘Kuphila kwaSimakadze!’

Hoseya 4:2

Lokukhona ticalekiso kuphela, nekucala emanga, nekugwazana, nekweba kanye nebuphingi; bephula tonkhe tikhonkhwane teminyele letibekiwe; kucitsa ingati kulandzela kucitfwa kwengati.

Hoseya 7:16

Abagucukeli kuLongetulu Kwako Konkhe; bafanana nebutjoki lobungakacini. Baholi babo bayawubulawa ngenkemba ngenca yemagama abo langenanhlonipho. Ngenca yaloko bayawuba luhleko nelihlazo eveni laseGibhithe.”

Hoseya 7:3

“Bajabulisa inkhosi ngebubi babo, bajabulise nebabusi ngemanga abo.

Mikha 6:12

“Bantfu bakini labatinjinga baphanga laba labamphofu, nani nonkhe ningulabacalemanga nalabakhohlisanako.

1 kubaseKorinthe 6:2

Anati yini kutsi labangcwele bayakwehlulela umhlaba? Nangabe-ke umhlaba uyakwehlulelwa ngini, ningehlulwa yini kwehlulelana emacaleni enu lamancane kangaka?

Sembulo 1:6

wasenta emakhosi nebaphristi kuNkulunkulu uYise, akube ludvumo nebukhosi phakadze naphakadze! Amen.

Sembulo 3:21

“ ‘Lowo loncobako, ngiyawumhlalisa kanye nami esihlalweni sami sebukhosi, njengobe nami ngancoba ngahlala naBabe esihlalweni sakhe sebukhosi.

Sembulo 5:10

Wabenta baba ngemakhosi nebaphristi kuNkulunkulu wetfu, bayawubusa etikwemhlaba wonkhe.”