Hoseya 10:13 - Siswati 1996 Bible

Kodvwa senihlanyele bubi, navuna bubi, nadla sitselo senkhohlakalo. “Ngobe nisuke netsembela kuwenu emandla nasemabutfweni enu lamanyenti,

Hoseya 10:13 Referencias Cruzadas

Jobe 4:8

Njengobe sengike ngabona kutsi labo labalima bubi bahlanyele kuhlupheka, bavele bavune kona loko.

Tihlabelelo 33:16

Kute inkhosi lencoba sitsa ngobe inemabutfo lamanyenti, nesichwaga asincobi ngebunyenti bemandla aso.

Tihlabelelo 52:7

“Ase nibuke, naso phela sichwaga lesingazange simente Nkulunkulu abe yinqaba yaso, kodvwa setsembela ebunyentini bengcebo yaso, sifuna kuba nemandla ngebunyoka baso.”

Tihlabelelo 62:10

Ungalibeki litsemba lakho ebudloveni, ningatilulati ngematsemba lalite nekugcekeza, nome ngabe ingcebo iyandza, ningatibeki tinhlitiyo tenu kuyo.

Taga 1:31

Ngako-ke batawutfola titselo tetindlela tabo, bacunjiswe ngemacebo abo.

Taga 12:19

Umuntfu lokhuluma liciniso uyakhonsa; kodvwa lokhuluma emanga akakhonsi.

Taga 13:2

Umuntfu lolungile udla titselo letimnandzi taloko lakushoko; kodvwa bantfu lababi balambela kwenta budlova.

Taga 19:5

Fakazi locala emanga uyawujeziswa, nalokhuluma emanga angeke asindze ekujezisweni.

Taga 22:8

Umuntfu lohlanyela inhlanyelo yebudlova uvuna tingoti nekuhlupheka; kucindzetela kwakhe labanye bantfu kutawuphela.

Umshumayeli 9:11

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Isaya 17:11

nome ngalelo langa lotihlanyela ngalo uvele utente tikhule, kutsi ekuseni nawutihlanyela utente tihlume, noko sivuno sato siyawufanana nelite ngelilanga lesifo neletinhlungu letingelapheki.

Hoseya 11:12

Efrayimu ungitungelete ngemanga, indlu yaka-Israyeli yangitungeleta ngenkhohliso. Juda naye usichomoketi lesimelene naNkulunkulu, yebo, umelene naLongcwele lowetsembekile.

Hoseya 4:2

Lokukhona ticalekiso kuphela, nekucala emanga, nekugwazana, nekweba kanye nebuphingi; bephula tonkhe tikhonkhwane teminyele letibekiwe; kucitsa ingati kulandzela kucitfwa kwengati.

Hoseya 4:8

Batondla ngetono tebantfu bami, bajatjuliswe bubi babo.

Hoseya 7:3

“Bajabulisa inkhosi ngebubi babo, bajabulise nebabusi ngemanga abo.

Hoseya 8:7

“Bahlanyela umoya bavune siwunguwungwana. Luhlanga alunaso sishakato; lungeke lusivete sivuno. Kube belungatsela tinhlavu, betive bebangaluphanga.

1 Samuweli 24:14

“Inkhosi yema-Israyeli iphumele kulandzelana nemkhondvo wabani? Umkhondvo wenja lefile! Umkhondvo welikululu?