Hezekeli 9:1 - Siswati 1996 Bible Ngase ngiyamuva Simakadze amemeta ngelivi lelikhulu, atsi: “Sondzelani lapha nine lenitawujezisa lelidolobha, ngulowo nalowo aphatse sikhali sekubulala esandleni sakhe.” |
Ngako bangena bayakwenta imihlatjelo neminikelo yekushiswa. Ngaleso sikhatsi Jehu abemise emadvodza langema-80 ngephandle, lawatjela watsi: “Nangabe lomunye wenu angahle ayekele munye nje walabantfu lengibanikele etandleni tenu, aphunyule, loko uyawukukhokhela ngemphilo yakhe.”
Nkulunkulu watfumela ingilosi kutsi iyewubhubhisa iJerusalema. Kodvwa ingilosi yatsi isakwenta loko, Simakadze wakubona, wadzabuka ngalobusacasaca lobabehlela bantfu bakhe, wase utsi kulengilosi leyayibhubhisa bantfu: “Sekwenele! Susa sandla sakho.” Ngaleso sikhatsi ingilosi yaSimakadze yase ime ngasebaleni lekubhulela kolo laka-Arawuna, umJebhusi.
Kutawutsi Simakadze nadzabula live, atewubulala emaGibhithe, abone ingati etinsikeni nasetulu eminyango yenu, bese uyendlula angayivumeli ingilosi yekufa kutsi ingene etindlini tenu inibulale.
Ngase ngiva livi laSimakadze litsi: “Ngitawutfuma bani? Ngubani lotasiyela?” Ngase ngitsi: “Nangu mine, tfuma mine!”
Hlabani inyandzaleyo kuyiwe eSiyoni! Balekani nitewusindza, ningephutisi. Ngobe ngiletsa inhlekelele lechamuka ngasenyakatfo, yebo, imbhubhiso leyesabekako.”
Lombono lengawubona wawufanana nembono lengangiwubone, nakefika kutewubhubhisa lidolobha, uphindze ufanane nemibono lengangiyibone eceleni kwemfula iKhebari, ngawa ngibhekise buso phansi.
Yakhuluma ngelivi lelikhulu yatsi: “Yesabani Nkulunkulu, nimnike ludvumo, ngobe sikhatsi sekwehlulela kwakhe sesifikile; mkhonteni yena lowo lowenta lizulu nemhlaba, nelwandle, nemitfombo yemanti!”