Hezekeli 7:8 - Siswati 1996 Bible Sengitawutfululela lulaka lwami etikwakho, ngifeze intfukutselo yami kuwe; ngitakwehlulela njengekutiphatsa kwakho, ngikukhokhele ngangekwetento takho tonkhe letinengekako. |
“Hambani niyekungibutela kuSimakadze, nibutele mine kanye nensali yaka-Israyeli neyakaJuda ngaloku lokubhalwe kulencwadzi leseyitfolakele. Yinkhulu kabi intfukutselo yaSimakadze layitfululele etikwetfu ngenca yekutsi bobabe abazange baligcine livi laSimakadze; abazange bakwente konkhe loku lokubhalwe kulencwadzi.”
Tfululela lulaka lwakho etikwetive letingakwati wena, nasetikwemibuso lengakhuleki kuwe.
Ngako watfululela etikwabo intfukutselo yakhe levutsako, nebudlwangudlwangu bemphi. Yabasibekela ngemalangabi, noko abazange bacondze; yabadla, kodvwa abakufakanga enhlitiyweni.
Ngiyawumjezisa yena kanye nebantfwana bakhe, kanye netinceku takhe letimsingatsile ngenca yebubi babo; ngiyakwehlisela etikwabo kanye nakubo bonkhe labakhile eJerusalema nakubantfu bakaJuda tonkhe tigameko lengitikhulumile ngemelana nabo, ngobe abakangilaleli.’ ”
“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.
Simakadze wente loko labesakumisile; ulifezile livi lakhe lalimemetela kadzeni. Sewubhidlitile, wangete waba nesihawu, wente sitsa sakucoloshela, uluphakamisile luphondvo lwetitsa takho.
Ujijimete umcibisholo wakhe njengesitsa, sandla sakhe sangesekudla silungele kulwa. Njengesitsa ujube bonkhe labebajabulisa emehlweni; watfulula lulaka lwakhe njengemlilo etikwelithende leNdvodzakati yaseSiyoni.
Simakadze ulufeze ngalokuphelele lulaka lwakhe, uyitfululile intfukutselo yakhe levutsako. ESiyoni uphembe umlilo lowadla tisekelo tayo.
Kodvwa-ke labo labanetinhlitiyo letitinikele etitfombeni letingemanyala nakuto tithico letinengekako, ngiyakwehlisela etikwetinhloko tabo loko labakwentile, kusho iNkhosi Simakadze.”
“Nome kube bengingatfumela sifo lesibulalanako kulelo live, ngitfululele lulaka lwami etikwalo ngekubhubhisa lokukhulu, ngibulale bantfu balo netilwane talo,
“ ‘Njengobe awuzange uwakhumbule emalanga ebusha bakho, kodvwa wangitfukutselisa ngato tonkhe letintfo, ngempela ngiyawukwehlisela etikwenhloko yakho loku lokwentile, kusho iNkhosi Simakadze. Awukabengeti nje lobugwababane bakho kuto tonkhe letindlela takho letinengekako?’ ”
“ ‘Naku lokushiwo yiNkhosi Simakadze, itsi: Ngitakuphatsa ngendlela lekufanele ngikuphatse ngayo, ngobe usedzelele sifungo sami ngekutsi wephule lesivumelwane.
“Ngako-ke, awu, wenandlu yaka-Israyeli, ngiyawukwehlulela, ngulowo nalowo ngekwetindlela takhe, kusho iNkhosi Simakadze. Phendvukani! Gucukani kuto tonkhe tiphambuko tenu; khona-ke sono senu ngeke sibe kufa kwenu.
“ ‘Noko bantfu baka-Israyeli bangivukela ehlane. Bangete bahamba ngetimiso tami, bayala imitsetfo yami, noko umuntfu loyilalelako uyawuphila ngayo, bawona kakhulu emaSabatha ami. Ngako ngatsi ngitawutfululela lulaka lwami etikwabo ngibabhubhisele ehlane.
“ ‘Kodvwa bantfwababo bangivukela: Abazange bahambe ngetimiso tami, abazange bakunakekele kugcina imitsetfo yami, noko umuntfu loyilalelako uyawuphila ngayo, bawona emaSabatha ami. Ngako ngatsi ngiyawutfululela lulaka lwami etikwabo, ngicedzele intfukutselo yami etikwabo ehlane.
“ ‘Ngifunga kuphila kwami, ngiyawubusa etikwenu ngesandla lesinemandla, nangemkhono locinile, nangekutfululelwa kwelulaka, kusho iNkhosi Simakadze.
“ ‘Kodvwa bangivukela, bangete bangilalela; abazange batilahle letitfombe tabo letenyanyekako lebese babeke emehlo abo kuto, futsi abazange batilahle tithico taseGibhithe. Ngako ngatsi ngitawutfululela lulaka lwami etikwabo, ngicedzele kutfukutsela kwami etikwabo eGibhithe.
Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”
“ ‘Mine Simakadze sengikhulumile. Sikhatsi sami sesifikile sekutsi ngikwente. Ngingeke ngisatibamba; ngingeke ngisaba nesihawu, futsi nenhlitiyo yami ingeke isabohla. Uyakwehlulelwa ngangekutiphatsa kwakho nangekwetento takho, kusho iNkhosi Simakadze.’ ”
Ngiyawutfululela lulaka lwami etikwePhelusiyumi, lekunguyona nqaba yaseGibhithe, futsi ngincamule ticumbi tebantfu baseThebesi.
Noko, wenandlu yaka-Israyeli, utsi: ‘Indlela yaSimakadze ayikalungi.’ Kodvwa ngulowo nalowo wenu ngiyakumehlulela ngekwetindlela takhe.”
Lowo lokhashane kakhulu uyawubulawa sifo lesibulalanako, lowo losedvutane abulawe ngenkemba, kutsi lowo lophunyulile wasala, abulawe yindlala. Ngiyakulufeza kanjalo-ke lulaka lwami etikwabo.
Inkhosi iyawulila, sikhulu sembatse kujabha, netandla tebantfu eveni tiyawuchachatela. Ngiyawubaphatsa njengalokufanele kutiphatsa kwabo, ngibehlulele njengekwemitsetfo yabo. Ngulapho-ke bayawungati khona kutsi mine nginguSimakadze.”
Ngingeke ngikubuke ngesihawu nome ngikushiye, ngitakukhokhela njengekutiphatsa kwakho nangaletinengiso letisemkhatsini wenu. Khona-ke utawube sewuyati kutsi mine Simakadze ngimi lona logalela ngalendvuku.
Ngako ngingeke ngibabuke ngemehlo esihawu, futsi ngeke ngibayekele, kodvwa ngiyakwehlisela etinhloko tabo loko labakwentile.”
Kwatsi basabulala, sengisele ngedvwa, ngawa phansi ngebuso, ngakhala kakhulu ngatsi: “Awu, Nkhosi, Simakadze! Sewutawubhubhisa yonkhe yini lensali yaka-Israyeli kulokuphuphuma kwelulaka lwakho etikweJerusalema?”
Wonkhe Israyeli uwephulile umtsetfo wakho, weduka wala kulalela livi lakho. “Ngako-ke ticalekiso letibhalwe emtsetfweni waMosi, inceku yaNkulunkulu, setitfululelwe etikwetfu ngenca yekona kwetfu kuwe.
Lombusi uyawuvumela sivumelwane nalabanyenti ngesikhatsi sinye, kodvwa ekhatsi naleso sikhatsi uyawucedza umhlatjelo nemnikelo. Uyawubeka sinengisoncitsakalo esicongweni selithempeli, kuze sitfululelwe kuye siphetfo lesimisiwe.”
Baholi bakaJuda bafanana nalabo labakhweshisa ematje emnyele. Ngiyawulutfululela kubo lulaka lwami njengetikhukhula temanti.
Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.
uyawunatsa liwayini lentfukutselo yaNkulunkulu lelinekuphelela kwemandla alo latselwa endzebeni yelulaka lwakhe. Uyawuhlushwa aviswe buhlungu ngemlilo nangesibabule, embikwetingilosi letingcwele nasembikweliWundlu.