Genesisi 49:3 - Siswati 1996 Bible

“Rubeni, wena ulitubulo lami, nemandla ami, ngabona ngawe kutsi nami ngiyindvodza. Uyingcwele ngesitfunti nengcwele ngemandla.

Genesisi 49:3 Referencias Cruzadas

Genesisi 29:32

Leya wakhulelwa, watala indvodzana, wayetsa libito watsi nguRubeni, ngobe abetsi: “Simakadze ukubonile kuhlupheka kwami, manje indvodza yami seyitangitsandza.”

Genesisi 35:22

Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 35:23

Emadvodzana aLeya bekuboRubeni, litubulo laJakobe, bese kuba nguSimeyoni, naLevi, naJuda, na-Isakhari, naZebuloni.

Genesisi 46:8

Nankha ema-Israyeli langena eGibhithe naJakobe: Rubeni bekulitubulo lakhe.

Genesisi 48:18

Wakhuluma kuyise watsi: “Cha, phela babe, lona nguyena alitubulo, beka sandla sakho sekudla etikwakhe.”

1 Tikhronike 2:1

Emadvodzana a-Israyeli bekuboRubeni, naSimeyoni, naLevi, naJuda, na-Isakhari, naZebuloni,

1 Tikhronike 5:1

Leti-ke titukulwane takaRubeni, litubulo la-Israyeli. Rubeni abelitubulo, kodvwa watsi kube alale nesingani seyise, walahlekelwa ngemalungelo ebutubulo bakhe, ase anikwa emadvodzana aJosefa, umsa wa-Israyeli. Ngako akabange asabalwa emlandvweni weluhlanga lwekutalana kwabo njengekwemalungelo ekutalwa kwakhe.

1 Tikhronike 5:3

Emadvodzana aRubeni, litubulo la-Israyeli, bekuboHanoki, naPhalu, naHesroni, naKhami.

Tihlabelelo 105:36

Wabulala onkhe ematubulo abo eveni, lababetibone ngawo kutsi sebakhulile.

Tihlabelelo 78:51

Wabulala onkhe ematubulo aseGibhithe, lekwakungumgogodla wemphi emathendeni aHhamu.

Hezekeli 48:6

“Rubeni uyawuba nesabelo sinye; siyawugudla umnyele welive laka-Efrayimu kusukela ngasemphumalanga kuye ngasenshonalanga.

Numeri 1:20

Titukulwane takaRubeni, litubulo la-Israyeli, tema kanje: Onkhe emadvodza kusukela kulabesaneminyaka lengema-20 kuya etulu, labesangalungela kuya emphini abhaliswa ngemabito awo, ngayinye ngayinye, njengekutalana kwawo, lusendvo ngelusendvo nangemindeni yawo.

Numeri 26:5

Titukulwane takaRubeni, litubulo la-Israyeli, lusendvo ngelusendvo kwaba ngemaHanoki labetalwa nguHanoki, nemaPhalu labetalwa nguPhalu,

Dutheronomi 21:17

Kufanele iyemukele lendvodzana letalwa ngulesaliwakati sayo kutsi ilitubulo ngekuyinika sabelo sayo lesiphindvwe kabili kuko konkhe lenako. Leyo ndvodzana nguyona iluphawu lwekucala lwemandla eyise. Lilungelo lebutubulo layo.”

Dutheronomi 27:13

Letive leti ngito futsi letiyakuma naseNtsabeni i-Ebhali tikhulume ticalekiso: sive sakaRubeni, nesakaGadi, nesaka-Asheri, nesakaZebuloni, nesakaDani kanye nesakaNaftali.

Dutheronomi 33:6

“Shangatsi Rubeni angaphila angete afa, nesive nemadvodzana akhe angete aba mbalwa.”

Sembulo 3:14

“ ‘Bhalela ingilosi yelibandla laseLawodisiya utsi: “ ‘Nali livi leliphuma kuye longu-Amen; nguye longufakazi lowetsembekile nalocinisile, ungumtfombo wendalo yaNkulunkulu utsi: