Genesisi 46:12 - Siswati 1996 Bible

Emadvodzana aJuda bekubo-Era, na-Onani, naShela, naPheresi, naZera; kodvwa Era na-Onani bafela eveni laseKhenani. Emadvodzana aPheresi bekubo-Hesroni naHamule.

Genesisi 46:12 Referencias Cruzadas

Genesisi 29:35

Waphindze wakhulelwa futsi, watala indvodzana, watsi: “Manje-ke ngitamdvumisa Simakadze.” Ngako-ke wayetsa libito watsi nguJuda, wase uyema kutala.

Genesisi 38:10

Simakadze watfukutsela ngaleso sento sa-Onani, ngako naye wambulala.

Genesisi 38:4

LomkaJuda waphindze wakhulelwa, wamtalela lenye futsi indvodzana, wayetsa libito watsi ngu-Onani.

Genesisi 38:5

Waphindza lenye futsi indvodzana, wayetsa libito watsi nguShela. BoJuda babeseKhesibi ngesikhatsi italwa lendvodzana.

Genesisi 38:7

Kodvwa Era, litubulo laJuda, watiphatsa kabi embikwaSimakadze. Ngako-ke Simakadze wambulala.

Genesisi 46:11

Emadvodzana aLevi bekuboGeshoni, naKhohati, naMerari.

Genesisi 46:13

Emadvodzana a-Isakhari bekuboThola, naPhuwa, naJashubi, naShimroni.

1 Tikhronike 2:1

Emadvodzana a-Israyeli bekuboRubeni, naSimeyoni, naLevi, naJuda, na-Isakhari, naZebuloni,

1 Tikhronike 3:1

Lawa ngemadvodzana aDavide latalelwa wona aseseHebroni: Litubulo bekungu-Amnoni, labetalwa ngu-Ahinowami waseJezreyeli; yesibili bekunguDanyela, labetalwa ngu-Abigayili waseKhameli;

1 Tikhronike 4:1

Titukulwane takaJuda bekuboPheresi, naHesroni, naKhami, naHure, naShobali.

1 Tikhronike 4:21

Emadvodzana aShela, umsa waJuda, bekubo-Era, uyise waLekha, naLada, uyise waMaresha, nemindeni leyayeluka ilineni eBhethi Ashbeya,

1 Tikhronike 5:2

Noko kwase kuba nguJuda lowaba sive lesasinemandla kakhulu, ngiso lesabe sesitala umbusi wato tonkhe tive tema-Israyeli, nome nje emalungelo ebutubulo abenikwe Josefa.

1 Tikhronike 9:4

Kwakubo-Uthayi, umsa wa-Amihudi, umsa wa-Omri, umsa wa-Imri, umsa waBani, umtukulu waPheresi, umsa waJuda.

1 Tikhronike 9:6

Esiveni sakaZera labengumholi bekunguJehuweli akanye nabomnakabo. Sebabonkhe bantfu besive sakaJuda babengema-690.

Nehemiya 11:24

Phethahiya, umsa waMeshezabeli, lomunye wentalelwane yaZera, umsa waJuda, abeliso lenkhosi kuto tonkhe tindzaba letiphatselene nesive.

Tihlabelelo 78:68

Kepha wakhetsa sive sakaJuda, iNtsaba iSiyoni, labeyitsandza kakhulu.

Numeri 1:7

Emndenini wakaJuda kuyawuba nguNasoni, umsa wa-Aminadabi.

Dutheronomi 33:7

NgaJuda wakhuluma watsi: “Vani, Simakadze, kukhala kwa-Juda; umletse esiveni sakhe. Ngetandla takhe uvikela indlela yakhe. Awu, bani ngumsiti wakhe etitseni takhe.”

KumaHebheru 7:14

Ngobe kuyakhanya kutsi iNkhosi yetfu yatalwa esiveni sakaJuda, kunjalo nje naMosi akazange akhulume ngebaphristi bakuleso sive.

Sembulo 5:5

Lelinye lalamalunga latsi kimi: “Ungakhali! Asubuke! INgwenyama yesive sakaJuda, lengumliba waDavide incobile. Yona-ke ingaticatulula letimphawu letisikhombisa ivule lencwadzi.”

Tikhulu 1:2

Simakadze wawaphendvula watsi: “BakaJuda abenyuke; lelive ngilinikele etandleni tabo.”

Ruthe 4:12

Shangatsi bantfwana lotawubaphiwa nguSimakadze ngalomakoti bangenta umndeni wakho ufanane nemndeni waPheresi Thamari lowamtalela Juda.”