Genesisi 45:22 - Siswati 1996 Bible

Kwaba ngulowo nalowo wamnika ingubo yekushintja; kodvwa Bhenjamini wamnika tinhlavu tesiliva letingemakhulu lamatsatfu netingubo letisihlanu tekushintja.

Genesisi 45:22 Referencias Cruzadas

Genesisi 43:34

Batsi nabanikwa kudla kwasetafuleni laJosefa, kwakaBhenjamini kwaphindvwa kahlanu kunekwabo bonkhe. Ngako-ke badla, banatsa, bajabula kanye naye.

Genesisi 45:23

Uyise wamtfumelela timbongolo letatilishumi letatitfwele tintfo letinhle taseGibhithe, netimbongolo letinsikati letatetfwele kudla, netinkhwa, nemiphako yeyise labetayidla nasehla eta eGibhithe.

2 Emakhosi 5:5

Inkhosi yaseSiriya yaphendvula, yatsi: “Kulungile, hamba. Mine ngitawutfumela incwadzi lena enkhosini yaka-Israyeli.” Ngako Namani wahamba; abephetse isiliva leyayingemakhilogremu labengaba ngema-340, negolide leyayingemakhilogremu labengaba ngema-70, kanye netimphahla tekwembatsa tekuntjintja letilishumi.

Sembulo 6:11

Ngamunye ngamunye wabo wase unikwa ingubo lemhlophe; batjelwa kutsi ase baphumule kancane, kuze kuphelele linani lalababetinceku kanye nabo nebazalwane babo, lababesetawubulawa njengabo.

Tikhulu 14:12

Samsoni watsi kuwo: “Ase nginiphice. Nanitawucombelela kahle angakapheli emalanga lasikhombisa alelidzili, ngitaninika tembatfo telineni letingema-30 netimphahla tekwembatsa letingema-30.

Tikhulu 14:19

Ngako Moya waSimakadze wehlela kuye ngemandla lamakhulu. Wehlela kulase-Ashkeloni, wabulala emadvodza akhona aba ngema-30; wawahlubula timphahla tawo, watitsatsa, watinika laba bebacombelele siphicaphicwana sakhe. Ngaleso sikhatsi abesatfukutsele abila, wesuka wahamba wabuyela ekhaya kubo.