Shangatsi Nkulunkulu angakunika ematolo asezulwini, avundzise nemasimi akho, akuphe inala yemabele neyeliwayini.
Genesisi 45:18 - Siswati 1996 Bible balandze uyihlo nemindeni yabo bete la kimi. Ngitabanika lokuhle kakhulu la eGibhithe bahlale benabe ngekutsandza kwabo. |
Shangatsi Nkulunkulu angakunika ematolo asezulwini, avundzise nemasimi akho, akuphe inala yemabele neyeliwayini.
Faro wakhuluma kuJosefa watsi: “Tjela labomnakenu kutsi ababophele imitfwalo yabo etimbongolweni tabo bahambe baye eveni laseKhenani,
nibomphendvula nitsi: ‘Tinceku takho tibelusi betinkhomo kusukela ebusheni bato kuze kube ngunyalo, tsine nabobabe betfu.’ Nanimlandzise kanjalo, utanivumela kutsi nakhe lapha eGosheni.” Phela Josefa abesho loku, ngobe emaGibhithe abewubukela phansi umsebenti wekwelusa.
Lonkhe lelive laseGibhithe lisetandleni takho. Babeke bakhe endzaweni lencono kakhulu, abakhe eGosheni. Nakukhona labanelikhono lekwelusa emkhatsini wabo, babeke babe tindvuna tebelusi bemfuyo yami.”
Bengiyawunipha kolo lomnandzi kakhulu, yebo, bengiyawunesutsisa ngeluju lwetinyosi temadvwala.”
Maye kulowo mchele letitigabatisa ngawo tidzakwa taka-Efrayimu, nakuleyo mbali lebunako, bukhatikhati bebuhle bakhe lobumiswe enhloko yesigodzi lesivundzile; maye kulelo dolobha, ligcabho lalabo lasebalaliswa phansi liwayini!
Leyo mbali lebunako, bukhatikhati bebuhle bakhe lobumiswe enhloko yesigodzi lesivundzile, iyawuba njengelikhiwa lelivutfwe kungakavunwa, lekutsi lowo nje lolibone kucala alikhe ngesandla sakhe, alifake emlonyeni, alimite masinyane.
“Ngikupha sonkhe sivuno lesihle setilinga lesinikelwa kuSimakadze kulowo nalowo mnyaka: semafutsa emncumo, neseliwayini kanye nesakolo.
Kufanele ninikele sabelo saSimakadze kube nguloko lokuhle kakhulu, nalokungcwelengcwele kuko konkhe leninikwe kona.’
Wamkhuluphalisa ngemasi nangelubisi lwemhlambi yetinkhomo netimbuti, nangemazinyane lakhuluphalisiwe etimvu netimbuti, nangetihhanca telikhetselo taseBhashani, nangetinhlavu letikhetsekile takolo. Wanatsa liwayini lelimnandzi kakhulu lelibovu.