Genesisi 42:38 - Siswati 1996 Bible

Kodvwa Jakobe watsi kuye: “Indvodzana yami angiyivumeli kutsi uhambe nayo, yewukele eGibhithe. Umnakabo ufile, nguye yedvwa losasele. Nakungahle kwenteke avelelwe yingoti nisesendleleni, ngitakufa ngibulawe buhlungu ebudzaleni bami.”

Genesisi 42:38 Referencias Cruzadas

Genesisi 37:33

Wavele wayibona kutsi ngiyo, watsi: “Ngiyo! Silwane lesibi simdlile Josefa, indvodzana yami; udzatjulwe waba ticucwana.”

Genesisi 37:34

Jakobe wadzabuka wadzimate wadzabula timphahla takhe, wavunula emasaka, walilela lendvodzana yakhe emalanga lamanyenti.

Genesisi 37:35

Onkhe emadvodzana akhe ase eta kuye atekumdvudvuta. Kodvwa wala kudvudvutwa watsi: “Ngiyawuze ngehle ngiye endzaweni yalabafile, lapho kunendvodzana yami khona, seloku ngililela indvodzana yami.” Ngako-ke uyise wachubeka walila.

Genesisi 42:13

Batsi: “Nkhosi, tinceku takho tingemadvodzana lalishumi namabili andvodza yinye, eveni laseKhenani. Lomncane kunatsi sonkhe usele nababe ekhaya, lona lomunye-ke akasekho.”

Genesisi 42:37

Rubeni waphendvula uyise watsi: “Nangabe Bhenjamini angikambuyisi, ubobulala lamadvodzana ami lamabili. Myekelele etandleni tami, ngitambuyisa kuwe.”

Genesisi 42:4

Kodvwa Jakobe akazange amvumele Bhenjamini, labelama Josefa, kutsi ahambe nabo, ngobe phela abesaba kutsi angahle naye avelelwe yingoti.

Genesisi 43:13

Hambani nalomnakenu niyewukhombisa lendvodza.

Genesisi 44:20

Sayiphendvula satsi: ‘Sinaye babe, semdzala kakhulu, ukhona nemnaketfu losemncane, lamtala ebudzaleni bakhe, umnakabo akasekho. Senguye kuphela losasele esiswini senina. Uyise umtsandza kakhulu.’

Genesisi 44:22

Sakhuluma enkhosini yami satsi: ‘Lomfana angeke ehlukane neyise, ngobe nangenta njalo, uyise angafa.’

1 Emakhosi 2:6

Yenta kuye njengekubona nekuhlakanipha kwakho, kodvwa ungamyekeli aze atifele ngekuthula.

Jobe 41:32

Lapho ahambe khona kusala kunemagwebu, ungaze ucabange kutsi kujula kunetinwele letimhlophe.

Tihlabelelo 71:18

Nanyalo-ke nome sengigugile sengimphunga, ungangishiyi, Nkulunkulu, kuze ngishumayele ingalo yakho kuso situkulwane, nemandla akho kubo bonkhe labefikako.

Tihlabelelo 90:10

Iminyaka yekuphila kwetfu ingiminyaka lengemashumi lasikhombisa, nangabe sisacinile iba ngiminyaka lengemashumi lasiphohlongo; noko linyenti laleyo minyaka seliphetse kuhlupheka nelusizi. Kuphila kwetfu kwendlula ngekushesha, yebo, siyandiza sihambe.

Umshumayeli 1:14

Ngikubone konkhe lokwentiwako ngaphansi kwemtfunti welilanga; konkhe kulite, kufanana nekucosha umoya.

Umshumayeli 2:26

Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.

Isaya 38:10

Ngatsi mine: “Kantsi kutawutsi nase ngikhulile nginemandla, ngiyakwendlula emasangweni ekufa, ngidlelelwe incenye yeminyaka lesasele yemphilo yami?”

Isaya 46:4

Ngisho nasebudzaleni benu nome senimphunga, nginguye, nginguloyo loyakunisimisa. Nginentile, futsi ngitanetfwala; ngitanilondvolota, nginisindzise.