Genesisi 40:20 - Siswati 1996 Bible

Emvakwemalanga lamatsatfu, Faro wagubha lusuku lwakhe lwekutalwa. Wenta lidzili, wentela tonkhe tisebenti takhe. Umphatsi wetitja kanye nempheki lomkhulu wetinkhwa wabakhipha ejele; babasemkhatsini wetisebenti nabo.

Genesisi 40:20 Referencias Cruzadas

Genesisi 21:8

Umntfwana wakhula, kwatsi mhlazana alunyulwa Abrahama wenta lelikhulu lidzili.

Genesisi 40:13

Emvakwemalanga lamatsatfu Faro utakukhulula ejele, akubuyisele emsebentini wakho. Utawuphindze ube ngumphatsi weliwayini laFaro njengobe wawuvele unguye.

Genesisi 40:19

Emvakwemalanga lamatsatfu, Faro utakukhipha lapha ejele akugwebe intsambo! Utakulengisa elugodvweni, tinyoni tidle sidvumbu sakho.”

1 Emakhosi 3:15

Solomoni wase uyaphaphama. Wabona kutsi abebhudza. Wancandzeka wabuyela eJerusalema, wafike wema embikwelibhokisi lesivumelwane saSimakadze wenta imihlatjelo yekushiswa neyekuthula. Emvakwaloko wase wenta lidzili labo bonkhe bantfu basesigodlweni sakhe.

2 Emakhosi 25:27

Ngemnyaka wema-37 wekudzingiswa kwaJehoyakhini, inkhosi yakaJuda, ngemnyaka lapho Evili Merodaki abekwa khona waba yinkhosi yaseBhabhulona, wakhulula Jehoyakhini ejele, mhla tingema-27, enyangeni yeli-12.

Esta 1:3

Kwatsi ngemnyaka wesitsatfu wekubusa kwakhe wenta lidzili lelikhulu, wamema tonkhe tiphatsimandla takhe netindvuna takhe. Wamema nemabutfo asePheresiya newaseMediya. Tonkhe tikhulu tatikhona, tikanye netiphatsimandla tembuso.

Jobe 3:1

Emvakwaloko Jobe wakhuluma acalekisa lilanga latalwa ngalo,

Tihlabelelo 105:19

kwaze kwaba sikhatsi lekwagcwaliseka ngaso livi lakhe, nelivi laSimakadze lamvivinya lamtfola kutsi ucinisile.

Jeremiya 52:31

Ngemnyaka wema-37 wekudzingiswa kwaJehoyakhini, inkhosi yakaJuda, ngemnyaka lapho Evili Merodaki abekwa khona waba yinkhosi yaseBhabhulona, wakhulula Jehoyakhini, inkhosi yakaJuda, wamkhipha ejele mhla ingema-25 enyangeni yeli-12.

Matewu 14:6

Kwatsi ngelilanga lekutalwa kwaHerodi indvodzakati yaHerodiyasi yeta yagidza embikwetivakashi tonkhe. Herodi wajabula kangangekutsi

Matewu 25:19

“Emvakwesikhatsi lesidze lenkhosi yefika seyitewubalisana nato.

Makho 6:21

Kodvwa litfuba lavuleka ngesikhatsi Herodi agubha lusuku lwakhe lwekutalwa. Wenta sibhimbi, wabita bonkhe bantfu besigodlo sakhe, netindvuna takhe temphi, kanye netiphakanyiswa taseGalile.