Genesisi 38:14 - Siswati 1996 Bible

Ngako-ke Thamari wakhumula inzilo yakhe, watimbonya ngendvwangu wase uhlala esangweni lase-Enayimu, emgwacweni lophambukela eThimna. Abesati kutsi Shela abesakhulile, kodvwa abesengakanikwa kutsi amteke.

Genesisi 38:14 Referencias Cruzadas

Genesisi 24:65

Wabuta kulenceku watsi: “Ngubani leya ndvodza lesihlangabetako?” Inceku yaphendvula yatsi: “Yinkhosi yami.” Ngako-ke watsatsa iveyili yakhe watimbonya.

Genesisi 38:15

Watsi nakambona Juda, wacabanga kutsi yingwadla, ngobe abetimbonye buso.

Genesisi 38:19

Wesuka lapho Thamari wahamba, wayisusa leveyili, wembatsa inzilo yakhe yebufelokati.

Genesisi 38:26

Juda watibona letimphahla kutsi takhe wase utsi: “Akanacala lomakoti. Ngimi lengingawufezanga umsebenti wami ngekutsi ngimnike indvodzana yami Shela.” Juda akazange aphindze alale naye futsi.

Taga 7:10

Masinyane lomfati wahlangabeta lensizwa, embatsise kwengwadla, agcwele bucili.

Taga 7:12

ngalelinye lilanga usesitaladini, mhlawumbe abesemakethe, ukhanga acotsele kuwo onkhe emakona.

Jeremiya 3:2

“Phakamisela emehlo akho etulu eticongweni letingenalutfo, ubone. Ikhona yini indzawo lapho bangazange sebakulale khona? Njengalondzindzako ehlane, wahlala eceleni kwemgwaco ulindzele tiphingi. Ulingcolisile lelive ngebugwadla bakho nangekukhohlakala kwakho.

Hezekeli 16:25

Ekucaleni kwato tonkhe titaladi watimisela khona tindzawo letiphakeme tekukhontela tithico, watehlisa wena ebuhleni bakho, ngekunikela ngemtimba wakho ngekugwadla nekuphinga nabo bonkhe labendlula ngendlela.