Genesisi 34:14 - Siswati 1996 Bible atsi: “Ngeke sesikwente-ke loko! Dzadzewetfu singeke simnike indvodza lengakasoki, ngobe phela loko kulihlazo lapha kitsi. |
Wonkhe lomdvuna longakasoki uyawuncunywa esiveni sakubo, ngobe wephule sivumelwane sami.”
Njengobe Shekhemu abesangcolise Dina, dzadzewabo lamadvodzana aJakobe, wona aphendvula boShekhemu neyise Hamori ngebucili,
“Loku akusiwumenyetelwa eGathi, kungakhulunywa nasetitaladini tase-Ashkeloni, funa emadvodzakati emaFilisti ajabule, funa emadvodzakati alabangakasoki atfokote.
Ekupheleni kweminyaka lemine Absalomu wakhuluma enkhosini, watsi: “Ngicela kutsi sengimane ngiye eHebroni kuyawufeza sifungo sami lengasenta kuSimakadze.
Kuletincwadzi abebhale kutsi: “Memetelani lilanga lekuzila, bese nihlalisa Nabothi embonisweni emkhatsini wesive.
Kwatsi kube tati tisuke lapho, ingilosi yeNkhosi yatibonakalisa kuJosefa ephusheni itsi: “Vuka, utsatse umntfwana nenina, nibalekele eGibhithe, nifike nihlale khona niyawuze nitjelwe ngimi; ngobe Herodi utawufuna lomntfwana kuze ambulale.”
wase utitfumela eBhetlehema utsi: “Hambani nimfunisise kahle lomntfwana; nasenimtfolile, nibobuya nitewungatisa, khona nami ngitekuya, ngiyewumkhotsamela.”
Wasoka muva, lokusoka kwaba luphawu lwekucinisa kutsi ngenca yekukholwa kwa-Abrahama Nkulunkulu abesamemukele ngekutsi ulungile, ngaphambi kwekutsi asoke. Ngako-ke Abrahama waba nguyise wabo bonkhe labakholwa nguNkulunkulu bese bemukelwa nguye kutsi balungile, nome bangakasoki.
Boyise nenina bambuta batsi: “Kute yini tintfombi lapha emkhatsini wetihlobo takho nasemkhatsini wato tonkhe tive takini? Sewungadzimate uye esiveni semaFilisti lesingasoki nekusoka uyewutsatsa khona umfati?” Kodvwa Samsoni waphendvula uyise, watsi: “Ngitsatsele yena. Uyatsandzeka emehlweni ami.”
Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”
Davide wabuta lamadvodza labeme eceleni kwakhe, watsi: “Utakwentelwani umuntfu lotawubulala lomFilisti esuse lihlazo ka-Israyeli? Ungubani yena lomFilisti longakasoki nekusoka kutsi angabita insayeya emabutfo aNkulunkulu lophilako?”
Inceku yakho yabulala libhubesi nelibhele; nalomFilisti longakasoki utawufanana nato letilwane, ngobe uwabite insayeya emabutfo aNkulunkulu lophilako.