Ingilosi yachubeka yatsi kuye: “Ase ubuke nje, sewukhulelwe, utawutala indvodzana uyetse libito utsi ngu-Ishmayeli, ngobe Simakadze ukuvile kuhlupheka kwakho.
Genesisi 29:32 - Siswati 1996 Bible Leya wakhulelwa, watala indvodzana, wayetsa libito watsi nguRubeni, ngobe abetsi: “Simakadze ukubonile kuhlupheka kwami, manje indvodza yami seyitangitsandza.” |
Ingilosi yachubeka yatsi kuye: “Ase ubuke nje, sewukhulelwe, utawutala indvodzana uyetse libito utsi ngu-Ishmayeli, ngobe Simakadze ukuvile kuhlupheka kwakho.
Watsi kube abone Simakadze kutsi Leya uyaliwa, wavula sitalo sakhe; kepha Rakheli waba yinyumba.
Kube Nkulunkulu wababe, naNkulunkulu wa-Abrahama, lokwesaba kwa-Isaka, abengekho ngakimi, ngineliciniso kutsi ngabe ungicoshile ngahamba mahhala ngite lutfo. Kodvwa Nkulunkulu ukubonile kuhlupheka kwami nemsebenti wetandla tami, wase uyakwekhuta kulobusuku bayitolo.”
Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.
Emadvodzana aLeya bekuboRubeni, litubulo laJakobe, bese kuba nguSimeyoni, naLevi, naJuda, na-Isakhari, naZebuloni.
Rubeni wakhuluma watsi: “Angitsi nganitjela kutsi ningamlimati lomfana. Kodvwa nangete nangilalela. Manje sekumele sitilandze ngaleyo ngati yakhe.”
Kwatsi lapho befike baphumula khona, lomunye wabo watsi uvula esakeni lakhe atewupha imbongolo yakhe, wakhandza imali yakhe emlonyeni welisaka lakhe.
Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”
Leti-ke titukulwane takaRubeni, litubulo la-Israyeli. Rubeni abelitubulo, kodvwa watsi kube alale nesingani seyise, walahlekelwa ngemalungelo ebutubulo bakhe, ase anikwa emadvodzana aJosefa, umsa wa-Israyeli. Ngako akabange asabalwa emlandvweni weluhlanga lwekutalana kwabo njengekwemalungelo ekutalwa kwakhe.
Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.
Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.
“Rubeni uyawuba nesabelo sinye; siyawugudla umnyele welive laka-Efrayimu kusukela ngasemphumalanga kuye ngasenshonalanga.
Lawa-ke ngemabito emadvodza lenitawusitana nawo kulomsebenti: “Emndenini wakaRubeni kuyawuba ngu-Elisuri, umsa waShedewuri.
Wase utsi: “Manje ekugcineni iNkhosi seyingisitile. Seyilisusile lihlazo lami ebantfwini.”
Sakhala kuSimakadze, Nkulunkulu wabobabemkhulu, Simakadze wakuva kukhala kwetfu, wakubona kuhlupheka kwetfu, nekushikashikeka kwetfu, kanye nekucindzetelwa kwetfu.
Letive leti ngito futsi letiyakuma naseNtsabeni i-Ebhali tikhulume ticalekiso: sive sakaRubeni, nesakaGadi, nesaka-Asheri, nesakaZebuloni, nesakaDani kanye nesakaNaftali.
Wenta setsembiso, watsi: “Awu, Simakadze Somandla, nawungamane ubukisise lusizi lwencekukati yakho, ungikhumbule, ungayikhohlwa incekukati yakho, kodvwa incekukati yakho uyiphe indvodzana, leyo ndvodzana ngiyakunikela ngayo kuSimakadze, tonkhe tinsuku tekuphila kwayo, kuyawubate insingo leyawutsintsa inhloko yayo.”
Ngekuhamba kwesikhatsi Hana wakhulelwa watala indvodzana, wayetsa libito watsi nguSamuweli, atsi: “Ngamcela kuSimakadze.”