Esawu watsi kuJakobe: “Maye, ngilambile! Ngicela sewumane ungiphe lesiphuphe.” Ngako-ke libito lakhe kwatsiwa ngu-Edomu.
Genesisi 25:29 - Siswati 1996 Bible Ngalelinye lilanga Jakobe abepheke siphuphe, kwase kufika Esawu aphuma etsafeni, alambe kakhulu. |
Esawu watsi kuJakobe: “Maye, ngilambile! Ngicela sewumane ungiphe lesiphuphe.” Ngako-ke libito lakhe kwatsiwa ngu-Edomu.
Jakobe wase unika Esawu lesiphuphe. Esawu wadla, wanatsa, wasukuma wahamba. Esawu waledzelela kanjalo lifa lebutubulo bakhe.
Elisha wancandzeka wabuyela eGilgali; bekunendlala kuleso sifundza. Satsi lesicumbi sebaphrofethi sisahlangene naye, wakhuluma kulenceku yakhe, watsi: “Ase ubeke libhodo lelikhulu etiko, uphekele nankha emadvodza sitjulo.”
Lomunye wabo wahamba waya ematsafeni wayakukha imibhidvo, wakhandza intsandzela. Wabutsa lamanye emaselwa kuyo wawagcwalisa engutjeni yakhe. Watsi kube efike ekhaya, wawacoba wawafaka ekhatsi kulelibhodo lesitjulo, nome labanye babengati kutsi kuyini.
Nangabe umuntfu aphetse inyama leyehlukaniselwe Nkulunkulu ishumphetelwe engutjeni yakhe, bese kutsi lomphetfo wakhe utsintse sinkhwa, nome sitjulo, nome liwayini, nome emafutsa, nome lokunye nje kudla, kuyaye bese kuba ngulokwehlukaniselwe Nkulunkulu yini?’ ” Baphristi baphendvula, batsi: “Cha.”
Lelinye lalamabutfo lakhuluma kuye, latsi: “Uyihlo ubophe sonkhe sive ngesifungo lesimatima kabi, watsi: ‘Akacalekiswe umuntfu lodla kudla lamuhla!’ Nguko nje phela lamadvodza asacaleka.”
Ngalelo langa atsi ema-Israyeli nase ehlule emaFilisti labewagwaza, kusukela eMikmashi kuya e-Ayaloni, adzinwa kakhulu.