Tindvuna taFaro tatsi kube timbone, tambabata kuFaro; wase uyatsatfwa-ke uyiswa esigodlweni saFaro.
Genesisi 20:7 - Siswati 1996 Bible Manje-ke, mncandzekise lomfati walendvodza, ngobe ingumphrofethi; itakuthandazela bese uyaphila. Kodvwa nawungamncandzekisi, ubovele wati kutsi utakufa, wena nebantfu bakho.” |
Tindvuna taFaro tatsi kube timbone, tambabata kuFaro; wase uyatsatfwa-ke uyiswa esigodlweni saFaro.
Kepha Simakadze washaya Faro nemndeni wakhe ngetinhlupho letinkhulu ngenca yaSarayi, umka-Abrama.
kodvwa ungasidli sitselo sesihlahla sekwati lokulungile nalokungakalungi, ngobe mhlazana usidla uyakufa nekufa.”
Phela Simakadze abesavale tonkhe titalo tebemndeni waka-Abimeleki ngenca yaSara, umka-Abrahama.
Kodvwa Nkulunkulu weta ku-Abimeleki ngeliphupho ebusuku watsi kuye: “Wena utakufa ngenca yalomfati lomtsetse, ngobe ungumfati walendvodza.”
Ngako-ke ekuseni ngeluvivi Abimeleki wavuka, wabita tonkhe tindvuna takhe, waticocela ngako konkhe loko; nato tesaba kakhulu.
“Ase usilalele, mnumzane, wena usikhulu lesinemandla la emkhatsini wetfu. Lomkakho ungamngcwaba nome ngangukuliphi kulamathuna etfu. Kute la emkhatsini wetfu longete akunika lithuna nome akuphatamise ekungcwabeni lomkakho.”
Davide watsi nakabona lengilosi leyayigawula labantfu, wakhuluma kuSimakadze watsi: “Ngimi lowonile, ngenta lokubi. Kodvwa laba batimvu nje. Bona-ke boneni? Sandla sakho asehlele etikwami ngedvwa kanye nasetikwendlu yami, kuphela.”
Inkhosi yakhuluma kulomuntfu waNkulunkulu, yatsi: “Ngicela ungincusele kuSimakadze, Nkulunkulu wakho, ungithandazele, khona atewuphilisa lomkhono wami.” Kwatsi lomuntfu waNkulunkulu nakamncusela kuSimakadze, umkhono wenkhosi Jerobowamu waphiliswa, waba njengakucala futsi.
Kodvwa Namani wancandzeka atfukutsele abila, watsi: “Bengicabanga kutsi utawuphuma ete kimi, afike eme, bese umemeta libito laSimakadze Nkulunkulu wakhe, ajikitise nesandla sakhe etikwaletilondza, angiphilise kulobulephelo bami.
Nome linyenti lalabantfu lababephuma kulaka-Efrayimu, nelakaManase, nelaka-Isakhari kanye nelakaZebuloni babengakatihlanti bona cobo lwabo, noko balidla liPhasika, lokwakuphambene naloko lokubhaliwe. Kodvwa Hezekiya wabathandazela watsi: “Shangatsi Simakadze lomuhle angabatsetselela bonkhe
longakhetsi ngisho nakuto tikhulu, ngisho nakulabanjingile nalabamphofu, ngobe phela bonkhe bangumsebenti wetandla takhe?
Ngako-ke tsatsani tinkunzi letisikhombisa netihhanca letisikhombisa, nihambe niye kuJobe, inceku yami, nifike ninikele ngato, tibe ngumnikelo wenu wekushiswa. Jobe, inceku yami, utanithandazela, mine-ke ngitawemukela nalomthandazo wakhe nginganiphatsi kamatima njengalokufanele bulima benu. Anikakhulumi lokuhle ngami njengobe Jobe, inceku yami, akhulumile.”
Timfihlakalo takhe, Simakadze, utinika labamesabako, abafundzise kwati sivumelwane sakhe.
Simakadze wakhuluma kuMosi, watsi: “Buka la, wena ngitakwenta ufane naNkulunkulu kuFaro; Aroni, umnakenu, yena abe ngumphrofethi wakho.
Simakadze wakhuluma kimi, watsi: “Ngisho nome boMosi naSamuweli bebangema embikwami, inhlitiyo yami beyingeke iye kulesive. Bacoshe! Abesuke lapha embikwami!
Nangabe babaphrofethi futsi banelivi laSimakadze, abakhulumisane naSimakadze longuSomandla, bancenge kutsi letimphahla letisasele ethempelini laSimakadze, nasesigodlweni senkhosi yakaJuda, naseJerusalema, tingatsatfwa tiyiswe eBhabhulona.’
Nangikhuluma kumuntfu lomubi, ngitsi: ‘Nakanjani utakufa,’ wena-ke ungete wamecwayisa nome ukhulume kuye kutsi atiyekele tindlela takhe letimbi, khona utewusindzisa imphilo yakhe, lowo muntfu lomubi uyakufa ngenca yesono sakhe; mine-ke ingati yakhe ngiyakuyibita esandleni sakho.
Nangikhuluma kumuntfu lomubi, ngitsi: ‘Awu wena muntfu lomubi, ngempela utakufa,’ wena-ke ungabe usakukhuluma loko kuye kutsi atiyekele tindlela takhe letimbi, lowo muntfu lomubi uyakufa ngenca yesono sakhe, mine-ke ngiyakuyibita kuwe ingati yakhe.
uyawuba nelicala lekona. Kufanele abuyisele leyontfo layitfole ngekuyeba, nome layitfole ngebucili, nome layiniketiwe kutsi ayigcine, nome lebekulahlekile wakutfola,
Umphristi uyawumentela kanjalo-ke inhlawulo yekubuyisana naSimakadze, lowo muntfu uyawutsetselelwa konkhe lakonile.”
Simoni watsi kuPhetro naJohane: “Ngiyacela kutsi ningithandazele eNkhosini, khona tingetikwenteka kimi letintfo lenitishoko.”
Endvulo Nkulunkulu wakhuluma kubokhokho betfu ngebaphrofethi, ngetikhatsi letinyenti nangetindlela letinyenti.
Umshado awuhlonishwe ngibo bonkhe; labatsetsene kufanele betsembeke lomunye kulomunye. Nkulunkulu uyawubehlulela bonkhe labagwadlako nalabaphingako.
Nakukhona lobona umzalwane wakhe enta sono lesingaholeli ekufeni, kufanele amthandazele, Nkulunkulu utamupha kuphila. Loko kucondzene nalabo labenta sono lesingaholeli ekufeni. Sikhona sono lesiholela ekufeni, lengingete ngasho kutsi kungacelwa ngaleso.
Bonkhe bantfu bakhuluma kuSamuweli, batsi: “Thandaza kuSimakadze Nkulunkulu wakho, uthandazele tinceku takho singete safa, ngobe sesengete kuto tonkhe letono tetfu lesinye sono ngekutsi siticelele inkhosi.”
Kodvwa mine akube khashane nami kutsi ngingona kuSimakadze ngekutsi ngingete nganikhulekela. Ngitanifundzisa indlela lenguyonayona nalelungile.
Samuweli wase ukhuluma utsi: “Hlanganisani onkhe ema-Israyeli eMispa, mine ngitawube sengiyanincusela kuSimakadze.”
akhuluma kuSamuweli atsi: “Ungakhawuli, chubeka usikhalele kuSimakadze Nkulunkulu wetfu, khona atekusephula esandleni semaFilisti.”