Genesisi 19:19 - Siswati 1996 Bible Inceku yakho itfole umusa emehlweni akho, wayentela sihawu lesikhulu ngekusindzisa imphilo yayo; kodvwa ngingeke ngikwati kubalekela etintsabeni, ngobe lesijeziso singahle singijubele ngembili, bese ngiyafa. |
Ase ubuke naliya lidolobha ngesheya, kumalula kubalekela kulo ngobe lisedvutane, futsi lincane. Ngicela kubalekela kulelidolobha lelincane, khona ngitewusindza.”
Njengobe Loti bekesaba kuhlala eSowari, waphuma wayawuhlala etintsabeni yena nemadvodzakati akhe lamabili; likhaya labo kwaba ngumgedze.
Ngako-ke Josefa wazuza umusa kuPhotifari; wambeka kutsi abe yindvuna yakhe leyengamele likhaya lakhe nayo yonkhe imphahla yakhe.
Bantfu bayawuphendvula batsi: ‘Kungobe bamfulatsela Simakadze Nkulunkulu wabo, lowakhipha bokhokho babo eGibhithe, besuka bagugumatsa labanye bonkulunkulu basebentele bona, babakhonta bakhuleka kubo. Nguko nje Simakadze asabehlisele lenhlekelele lengaka.’ ”
Wabaphendvula watsi: “Awu, situkulwane lesingakholwa, kuyawudzimate kube ngunini nginani? Kuyawudzimate kube ngunini nginibeketelela? Mletseni la kimi!”
Bomakhelwane netihlobo takhe beva kutsi iNkhosi imbusise kanganani, bajabula kanye naye.
Ngalelo langa ngiyawubatfukutselela ngibashiye. Ngiyawubafihlela buso bami, bayawubhubha. Bayawukwehlelwa tigemegeme netinhlupho letinyenti, ngalelo langa bayawutibuta batsi: ‘Letigemegeme atikasehleli ngobe Nkulunkulu angasekho kitsi yini?’
Kodvwa Davide wacabanga watsi: “Kuwo lamalanga Sawula utangibulala. Lokuncono kakhulu kutsi vele ngibaleke ngiye eveni lemaFilisti. Sawula utawuvele adzinwe angabe asangifuna nome ngabe kukuphi kulelive laka-Israyeli, ngiyawube sengiphephile-ke esandleni sakhe.”