Genesisi 15:12 - Siswati 1996 Bible

Latsi nalishonako lilanga, Abrama wehlelwa butfongo lobukhulu, walala; asalele wefikelwa luvalo nekwesaba lokukhulu.

Genesisi 15:12 Referencias Cruzadas

Genesisi 15:11

Emangce ehlela etidvunjini, kepha Abrama wawacosha.

Genesisi 2:21

Ngako-ke Nkulunkulu Simakadze wamehlisela umuntfu butfongo lobukhulu; walala. Nkulunkulu wase ukhipha lolunye lwetimbambo takhe wagcwalisa sikhala ngenyama.

Genesisi 28:11

Wefika endzaweni lengcwele wahlala khona busuku, ngobe lilanga lase lishonile. Watsatsa lelinye lematje akuleyo ndzawo wacamela etikwalo, walala.

Jobe 33:15

Ukhuluma ngemaphupho nangemibono yasebusuku, bantfu nabalele emacansini abo, badvodla butfongo etingutjeni tabo.

Imisebenti yebaPhostoli 20:9

Libhungu lebekutsiwa ngu-Oyithikhusi lalihleti efasitelweni. Kwatsi ngekuchubeka kwetinkhulumo taPawula Oyithikhusi wefikelwa butfongo walala, waze wawela phansi esuka esitezi sesitsatfu. Nase bamtsatsa, bakhandza kutsi sewufile.

1 Samuweli 26:12

Davide wase utsatsa sikhali nelichaga lemanti lokwakusedvute nenhloko yaSawula, bahamba. Kute namunye lowase wababona nome wati ngaloko, kantsi futsi kute namunye lowake waphaphama. Bonkhe babedvodla butfongo, ngobe Simakadze abebehlisele butfongo lobukhulu.