Ezra 9:15 - Siswati 1996 Bible

Maye, Simakadze, Nkulunkulu wema-Israyeli, wena ulungile! Lamuhla sisele siyinsali. Lapha sisembikwakho ngenca yelicala letfu, noko kute nome munye longakhona kuma embikwakho.”

Ezra 9:15 Referencias Cruzadas

Ezra 1:4

Nakukhona umuntfu loyinsali yebatfunjwa lodzinga lusito ngekubuyela emuva, makhelwane wakhe akamsite. Kufanele labo bantfu basitwe ngesiliva, nangegolide, nangetimphahla, nangetifuyo kanye nangeminikelo yesihle yelithempeli laNkulunkulu waseJerusalema.’ ”

Ezra 9:6

ngathandaza ngatsi: “Maye, Nkulunkulu wami, ngijabhile kakhulu futsi nginemahloni kutsi ngingaphakamisela kanjani buso bami kuwe, Nkulunkulu wami, ngobe tono tetfu setiphakeme kakhulu tengama tinhloko tetfu, nebubi betfu sebufikele emazulwini.

Nehemiya 9:8

Wakhandza kutsi inhlitiyo yakhe yetsembekile kuwe, wase wenta sivumelwane naye kutsi lelo live uyawuliniketa titukulwane takhe, live lemaKhenani, nemaHethi, nema-Amori, nemaPheresi, nemaJebhusi kanye nemaGirigashi. Usigcinile setsembiso sakho, ngobe wena ulungile.

Tihlabelelo 116:5

Simakadze unemusa nekulunga; Nkulunkulu wetfu unesihe.

Tihlabelelo 119:137

Wena, Simakadze, ulungile, nemitsetfo yakho ilungile.

Tihlabelelo 130:3

Kube wena, Simakadze, bewusibalela tono tetfu, ngubani labengaphunyula, angalahlwa?

Tihlabelelo 143:2

Ungangibeki licala mine, nceku yakho, ngobe kute umuntfu lomsulwa kuwe.

Tihlabelelo 76:7

Kodvwa uyesabeka, ngubani nje longema embikwakho, nase utfukutsele uvutsa lulaka?

Jeremiya 12:1

Yebo Simakadze, wena uhlala ungcwele, nangiletsa indzaba embikwakho. Noko ngifuna kukhuluma nawe macondzana nekwehlulela kwakho. Kwentiwa yini kutsi indlela yalomubi iphumelele? Kwentiwa yini kutsi labangaketsembeki bahlale kahle bakhululekile?

Hezekeli 33:10

“Ndvodzana yemuntfu, khuluma kuyo indlu yaka-Israyeli, utsi: ‘Naku lenikushoko nitsi: “Tikhubekiso tetfu netono tetfu kusidvonsela phansi, natsi sesiyahusheka ngenca yato. Manje-ke sitawuphila kanjani?” ’

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Danyela 9:14

Simakadze akazange angabate kwehlisela lenhlekelele etikwetfu, ngobe Simakadze Nkulunkulu wetfu ulungile kuko konkhe lakwentako; noko tsine asikalilaleli livi lakhe.

Levithikusi 26:40

“ ‘Kodvwa nabavuma tono tabo netaboyise ekungihlubukeni kwabo nasekumelaneni nami kwabo,

Levithikusi 26:41

lokungukona kwangenta ngaze ngabayisa eveni letitsa tabo, nangabe netinhlitiyo tabo letingakasoki titfobeka bayikhipha nenkhokhelo yesono sekuhlubuka kwabo,

Johane 8:21

Jesu waphindza futsi watsi kubo: “Ngiyahamba mine, niyawungifuna, nifele etonweni tenu. Ningeke nikhone kuya lapho ngiya khona mine.”

Johane 8:24

Ngiko nje ngatsi kini: ‘Nitawufela etonweni tenu, naningakholwa kutsi: “Mine Nginguye leNginguye.” ’ ”

KubaseRoma 10:3

Ngobe ngekungakwati kahle kulunga lokuvela kuNkulunkulu, bafuna kutimisela lokungekwabo kulunga, abazange batinikele ngekutfobeka ekulungeni kwaNkulunkulu.

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

1 kubaseKorinthe 15:17

Kepha nangabe Khristu akavuswanga, kusho kutsi kukholwa kwenu akusiti lutfo, nisesetonweni tenu,

Joshuwa 22:15

Lamadvodza efika eGileyadi, esiveni sakaRubeni, nesakaGadi kanye nasencenyeni yesive sakaManase, akhuluma atsi: