Ezra 8:22 - Siswati 1996 Bible Nganginemahloni kutsi ngicele inkhosi kutsi isinike emasotja nalagibele emahhashi kutsi asiphekeletele kusivikela etitseni tetfu endleleni, ngobe sase sivele siyitjelile inkhosi ngaloko, satsi: “Sandla lesihle saNkulunkulu wetfu sisetikwalowo nalowo lomfunako, kodvwa intfukutselo yakhe iphambene nalabo labamlahlako.” |
“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.
Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.
Ngobe emehlo aSimakadze abuka emhlabeni wonkhe kucinisa labo labatinhlitiyo tabo titinikele kuye ngalokuphelele. Wena wente intfo lebulima kakhulu, kusukela manje utakulwa timphi siphelane.”
nalowelulele sandla sakhe semusa kimi ngekutsi ngizuze umusa enkhosini nakubeluleki bayo nakuto tonkhe tindvuna tayo letinemandla. Njengobe sandla saSimakadze Nkulunkulu wami besisetikwami, ngaba nesibindzi ngabutsa emadvodza aka-Israyeli labebaholi kutsi ahambe nami.”
Ezra wefika aphuma eBhabhulona. Ezra abeyingcweti kutemtsetfo waMosi, lowawumiswe nguSimakadze, Nkulunkulu wema-Israyeli. Inkhosi yayimnike konkhe labekucelile, ngobe sandla saSimakadze Nkulunkulu wakhe sasisetikwakhe.
Luhambo lwakhe lwekusuka eBhabhulona abelucale ngelilanga lekucala enyangeni yekucala, eJerusalema wefika ngelilanga lekucala enyangeni yesihlanu, ngobe sandla lesihle saNkulunkulu sasisetikwakhe.
Ngelilanga leli-12 ngenyanga yekucala, satfutsa emseleni i-Ahava sacondza eJerusalema. Sandla saNkulunkulu wetfu sasisetikwetfu; wasivikela etitseni nasetigebengwini endleleni yetfu yonkhe.
Inkhosi yavele yatfumela tindvuna temphi nelibutfo lelaligibele emahhashi kutsi lingiphekeletele; ngefika kubabusi baseNshonalanga Yufrathe, ngabanika letincwadzi tenkhosi.
Simakadze uyakuhlenga kuphila kwetinceku takhe, labakhosela kuye bangeke badliwe licala.
Ngubani lowati emandla entfukutselo yakho, yebo, nelulaka lwakho, kuze akwesabe ngalokufanele?
Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.
Kepha mine angiwasebentisanga lawo malungelo, futsi loko angikubhaleli kutsi kwentiwe kimi. Ngobe kimi kungaba ncono kutsi ngife kunekutsi ngemukeke ludvumo lwami lengilufanele.
Kube benginidvumisile kuye, ngabe anikangijabhisi. Kute lesakukhuluma kini ngaphandle kweliciniso, nekunidvumisa kwetfu kuThithusi kwatfolakala kuliciniso.
Kodvwa lolungile wami ngekukholwa uyawuphila; kodvwa nangabe ahlehla nyova, ngingeke ngimjabulele.”
“Sonkhe sive saSimakadze sitsi: ‘Niyenteleni lentfo lembi kangaka kuNkulunkulu wema-Israyeli? Nimshiyeleni Simakadze namhlubuka lamuhla ngekutakhela lilati?
Nanisephula lesivumelwane saSimakadze Nkulunkulu wenu, laniyale ngaso, nahamba nakhonta labanye bonkulunkulu, nakhotsama embikwabo, intfukutselo yaSimakadze itanivutsela, nibhubhe ngekushesha kulelive lelihle laniphe lona.”
Ngobe emehlo eNkhosi ayababona labalungile, netindlebe teNkhosi tiyayiva imithandazo yabo. Kodvwa iNkhosi iyemelana nalabo labenta lokubi.”