Ezra 8:18 - Siswati 1996 Bible

Njengobe sandla lesihle saSimakadze sasisetikwetfu, basiletsela Sherebiya, indvodza leyayinelikhono ekwenteni tintfo. Abengewetitukulwane taMahali, umsa waLevi, umsa wa-Israyeli, nemadvodzana aSherebiya, kanye nabomnakabo, emadvodza lali-18 asawonkhe, lenyuka nawo.

Ezra 8:18 Referencias Cruzadas

1 Tikhronike 6:1

Emadvodzana aLevi bekuboGeshoni, naKhohati, naMerari.

1 Tikhronike 6:19

Emadvodzana aMerari bekuboMahali naMushi. Leti bekutinsendvo temaLevi ngaboyise bato:

1 Tikhronike 6:4

Eleyazare abenguyise waFinehasi, Finehasi anguyise wa-Abishuwa.

2 Tikhronike 30:22

Hezekiya wakhuluma awakhutsata onkhe emaLevi labekhombisa kuyicondza kahle lenkonzo yaSimakadze. Onkhe lamalanga lasikhombisa babedla leso sabelo sabo banikela ngeminikelo yebudlelwane, badvumisa Simakadze Nkulunkulu waboyise.

Ezra 7:28

nalowelulele sandla sakhe semusa kimi ngekutsi ngizuze umusa enkhosini nakubeluleki bayo nakuto tonkhe tindvuna tayo letinemandla. Njengobe sandla saSimakadze Nkulunkulu wami besisetikwami, ngaba nesibindzi ngabutsa emadvodza aka-Israyeli labebaholi kutsi ahambe nami.”

Ezra 7:6

Ezra wefika aphuma eBhabhulona. Ezra abeyingcweti kutemtsetfo waMosi, lowawumiswe nguSimakadze, Nkulunkulu wema-Israyeli. Inkhosi yayimnike konkhe labekucelile, ngobe sandla saSimakadze Nkulunkulu wakhe sasisetikwakhe.

Ezra 7:9

Luhambo lwakhe lwekusuka eBhabhulona abelucale ngelilanga lekucala enyangeni yekucala, eJerusalema wefika ngelilanga lekucala enyangeni yesihlanu, ngobe sandla lesihle saNkulunkulu sasisetikwakhe.

Ezra 8:16

Ngase ngibita Eliyezeri, na-Ariyeli, naShemaya, na-Elnathani, naJaribi, na-Elnathani, naNathani, naZakhariya, kanye naMeshulamu, lababebaholi, bebakanye nebafundzisi lekwakuboJoyaribi na-Elnathani.

Ezra 8:19

Batfumela naboHashabiya, naJeshaya, betitukulwane taMerari, bomnakabo netihlobo tabo, emadvodza langema-20.

Ezra 8:22

Nganginemahloni kutsi ngicele inkhosi kutsi isinike emasotja nalagibele emahhashi kutsi asiphekeletele kusivikela etitseni tetfu endleleni, ngobe sase sivele siyitjelile inkhosi ngaloko, satsi: “Sandla lesihle saNkulunkulu wetfu sisetikwalowo nalowo lomfunako, kodvwa intfukutselo yakhe iphambene nalabo labamlahlako.”

Ezra 8:24

Ngabe sengikhetsa labali-12 bebaphristi lababebaholi, kwaba boSherebiya, naHashabiya kanye nalabalishumi lekwakubomnakabo.

Nehemiya 10:12

naZakhuri, naSherebiya, naShebaniya,

Nehemiya 12:24

Baholi bemaLevi bekuboHashabiya, naSherebiya, naJeshuwa, umsa waKhadmiyeli; ticheme tabomnakabo tatima malungana nabo, kuze tidvumise tiletse netibongo, sicheme sabomnakabo lesinye siphendvule lesinye, njengobe abeshito Davide, inceku yaNkulunkulu.

Nehemiya 2:8

Ngicela nencwadzi leya ku-Asafa, umgcini welihlatsi lenkhosi, kutsi angiphe tingodvo tekwakha emasango enqaba leseceleni kwelithempeli kanye netekwakha lubondza lwelidolobha nendlu lengitawube ngihleti kuyo.” Njengobe sandla semusa saNkulunkulu wami sasisetikwami, inkhosi yavele yanginika konkhe loko lengangikucelile.

Nehemiya 8:7

Basukuma lapho bema etindzaweni tabo, kwase kutsi lamaLevi lalandzelako abachazela umtsetfo: boJeshuwa, naBani, naSherebiya, naJamini, na-Akhubi, naShabhethayi, naHodiya, naMaseya, naKhelita, na-Azariya, naJozabadi, naHanana kanye naPhelaya.

Taga 24:3

Umuti wakhiwa ngekuhlakanipha, usimiswe ngekucondza;

Taga 3:6

Matise kuko konkhe lokwentako, yena uyakucondzisa tindlela takho.

Jeremiya 3:15

“Ngiyawube sengininika belusi benhlitiyo yami, labayakunihola ngelwati nangekucondza.

Danyela 1:20

Kuyo yonkhe indzaba yekuhlakanipha neyekucondza, inkhosi leyayibabuta ngayo yabakhandza bancono ngalokuphindvwe kalishumi kunato tonkhe tangoma nebatsebuli lababe kuwo wonkhe umbuso wayo.

Numeri 3:20

Lawa-ke ngemadvodzana aMerari, lusendvo ngelusendvo: boMahali, naMushi. Bonkhe babe ngimindeni yemaLevi, lusendvo ngelusendvo.

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.