Khuresi, inkhosi yasePheresiya, watfuma Mithredathi, umgcini wetimali, kutsi atimikise. Mithredathi watibala tonkhe, wase utetfula kuSheshbasari, umbusi wakaJuda.
Ezra 5:2 - Siswati 1996 Bible Watsi kube Zerubhabheli, umsa waSalatiyeli, naJeshuwa, umsa waJosadaki, baweve lamavi, bacala kuyakha kabusha indlu yaNkulunkulu eJerusalema. Labaphrofethi baNkulunkulu babenabo, babasita. |
Khuresi, inkhosi yasePheresiya, watfuma Mithredathi, umgcini wetimali, kutsi atimikise. Mithredathi watibala tonkhe, wase utetfula kuSheshbasari, umbusi wakaJuda.
Lolu kwaba luhla lwemadvodza lwetitukulwane tebaphristi lababenebafati betive: Etitukulwaneni takaJeshuwa, umsa waJosadaki, nabomnakabo bekuboMaseya, na-Eliyezeri, naJaribi kanye naGedaliya.
Jeshuwa, umsa waJosadaki, nebaphristi labebabambisene nabo kanye naZerubhabheli, umsa waSalatiyeli, nalabebabambisene naye bacala kwakha lilati laNkulunkulu waka-Israyeli kutekushisa umhlatjelo etikwalo, njengobe kubhaliwe emtsetfweni waMosi, umuntfu waNkulunkulu.
Ngenyanga yesibili emnyakeni wesibili befikile endlini yaNkulunkulu eJerusalema, Zerubhabheli, umsa waSalatiyeli, naJeshuwa, umsa waJosadaki, kanye nabomnakabo bonkhe lababesele, baphristi, nemaLevi, nabo bonkhe lababebuye eJerusalema baphuma ekutfunjweni, bacala kusebenta, babeka emaLevi labeneminyaka lengema-20 kuya etulu kutsi agcugcutele kwakhiwa kwendlu yaSimakadze.
Ngako baholi bemaJuda bachubeka nekwakha nekunotsa, bashunyayelwa nguHagayi, umphrofethi, kanye naZakhariya wesitukulwane sa-Ido. Lithempeli bacedza kulakha ngekwemyalo waNkulunkulu wema-Israyeli nangekulandzela imitsetfo leyayishaywe nguKhuresi, naDariyusi, kanye na-Athazeksesi, emakhosi asePheresiya.
‘Kusukela lamuhla, ngisho kusukela ngelilanga lema-24 lenyanga yemfica, cabangisisani kahle. Kusukela ngelilanga lesabekwa ngalo sisekelo sendlu yaSimakadze, cabangisisani kahle:
Ngako yatsi: “Laba ngulababili labagcotjelwe kutsi bakhonte Simakadze wemhlaba wonkhe.”
Ubotsatsa lesiliva negolide, wakhe ngayo umchele, bese uwubeka enhloko yemPhristi Lomkhulu, Jeshuwa, umsa waJosadaki.
Naku lokushiwo nguSimakadze longuSomandla, utsi: “Nine leniwevako nyalo lamavi labekhulunywa baphrofethi lababekhona ngesikhatsi kubekwa tisekelo tendlu yaSimakadze longuSomandla, cinisani tandla tenu kuze litekwakhiwa lelithempeli.
Asisho kutsi tsine sitikhulu etikwekukholwa kwenu, kodvwa sibambisene nani ekusebenteleni kujabula kwenu, ngobe nisimile ekukholweni.