Ezra 5:14 - Siswati 1996 Bible

Waze wakhulula ngisho netimphahla tegolide netesiliva Nebukhadnezari labetitsetse ethempelini eJerusalema watimikisa khona lena ethempelini eBhabhulona. “ ‘Khuresi, inkhosi, watinika indvodza lekwakutsiwa nguSheshbasari, labesayibeke kutsi ibe ngumbusi,

Ezra 5:14 Referencias Cruzadas

2 Tikhronike 36:18

Wabutsa tonkhe timphahla tasethempelini laNkulunkulu, watitfumba waya nato eBhabhulona, timphahla letincane, naletinkhulu kanye nengcebo yasethempelini laSimakadze nengcebo yenkhosi kanye neyetiphatsimandla tayo.

2 Tikhronike 36:7

Nebukhadnezari watsatsa netimphahla tasethempelini laSimakadze waya nato eBhabhulona, wafike watifaka ethempelini lakhe.

Ezra 5:15

wayitjela watsi: “Tsatsa letimphahla uhambe nato ufike utibeke ethempelini eJerusalema; wakhe kabusha indlu yaNkulunkulu endzaweni yayo.”

Ezra 5:16

Ngako loSheshbasari waya lapho wafike wabeka tisekelo tendlu yaNkulunkulu eJerusalema. Kusukela ngalelo langa kuze kube ngulamuhla seloku liyakhiwa, kodvwa noko lisengakapheli.’

Ezra 6:5

Lokunye, timphahla tegolide netesiliva tendlu yaNkulunkulu, letatitsetfwe nguNebukhadnezari ethempelini eJerusalema watimikisa eBhabhulona, kufanele tincandzekiswe tibuyiselwe etindzaweni tato ethempelini eJerusalema, tibekwe endlini yaNkulunkulu.’ ”

Ezra 7:27

Ezra wakhuluma watsi: “Akadvunyiswe Simakadze, Nkulunkulu wabobabe, lokubekile enhlitiyweni yenkhosi kutsi kuhlonishwe indlu yaSimakadze eJerusalema ngalendlela,

Taga 21:1

Inhlitiyo yenkhosi isesandleni saSimakadze, uyicondzisa kalula njengemanti emfula.

Jeremiya 52:19

Indvuna yabomahlalesangweni yatsatsa imigezelo, netitja tekushisela imphepho, netitja tekunyenyeta, nemabhodo, netintsi tetibane, netingwembe, netitja teminikelo yetinatfo, nako konkhe lokwakwentiwe ngegolide lecengekile nome ngesiliva lecengekile.

Hagayi 1:1

Ngemnyaka wesibili wekubusa kwenkhosi Dariyusi ngelilanga lekucala lenyanga yesitfupha, livi laSimakadze lefika ngaHagayi, umphrofethi, kuZerubhabheli, umsa waSheyaltiyeli, umbusi wakaJuda, nakuJeshuwa, umsa waJehosadaki, umPhristi Lomkhulu, latsi:

Hagayi 1:14

Ngako Simakadze wavuselela umoya waZerubhabheli, umsa waSheyaltiyeli, umbusi wakaJuda, nemoya waJeshuwa, umsa waJehosadaki, umPhristi Lomkhulu, nemoya wayo yonkhe insali yesive. Beta bafike bacala kusebenta, bakha indlu yaSimakadze longuSomandla Nkulunkulu wabo,

Hagayi 2:2

“Khuluma kuZerubhabheli, umsa waSheyaltiyeli, umbusi wakaJuda, nakuJeshuwa, umsa waJehosadaki, umPhristi Lomkhulu, nakuyo insali yesive, utsi:

Hagayi 2:21

“Tjela Zerubhabheli, umbusi wakaJuda, kutsi ngitawunyakatisa emazulu nemhlaba.

Imisebenti yebaPhostoli 13:12

Umbusi wakholwa nakabona loko lokwase kwentekile, ikakhulu wamangaliswa yimfundziso yeNkhosi.