Ezra 4:12 - Siswati 1996 Bible

“Inkhosi kufanele yati kutsi lamaJuda lafike lapha, esuka lapho kuwe asaye eJerusalema kuyewulakha kabusha lelidolobha lelibi nalelihlubukako. Balwakha kabusha lubondza, kantsi nesisekelo bayasivusetela.

Ezra 4:12 Referencias Cruzadas

2 Emakhosi 18:20

Utsi unemasu nemabutfo emphi lanemandla, kodvwa ukhuluma lite nje. Ngubani lona lowetsembele kuye kutsi ungaze uvukele mine?

2 Emakhosi 24:1

Ngesikhatsi sekubusa kwaJehoyakimu, Nebukhadnezari, inkhosi yaseBhabhulona, wahlasela live. Jehoyakimu waba yinceku yaNebukhadnezari, iminyaka lemitsatfu. Kodvwa wabe sewugucula ingcondvo yakhe, wavukela Nebukhadnezari.

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

Ezra 4:11

Nayi-ke inkhulumo leyayibhalwe kulencwadzi: “Iya ku-Athazeksesi, inkhosi. “Iphuma etincekwini takho letingemadvodza lakhe eNshonalanga Yufrathe:

Ezra 4:15

khona utawuke uphenyisise emilandvweni yabokhokho bakho. Kuleyo ndzawo utawukhandza kutsi lelidolobha linenkhani, liluhlupho emakhosini kusukela endvulo. Bantfu balo kulukhuni kubabusa. Nguko nje labhujiswa lelidolobha.

Ezra 4:19

Ngivele ngakhipha umtsetfo kutsi kuphenyisiswe, kwatfolakala kutsi vele lelidolobha linemlandvo lomudze wekuhlubuka emakhosi. Bekuyindzawo yekuhlubuka nekuphambana nembuso.

Ezra 5:3

Ngasona leso sikhatsi Thathenayi, umbusi waseNshonalanga Yufrathe, naShethari Boznayi kanye nebangani babo bahamba baya kubo, bafike bababuta batsi: “Ngubani lona loninike leligunya lekwakha kabusha lelithempeli nelekuvusetela lesakhiwo?”

Ezra 5:9

“Labaholi sibabutile satsi: ‘Ngubani lona loninike leligunya lekwakha kabusha lelithempeli kanye nekuvusetela lesakhiwo?’

Nehemiya 1:3

Bangiphendvula batsi: “Insali yalesifundza leyasindza ekutfunjweni, isekuhluphekeni lokukhulu nasekuhlazweni. Lubondza lwaseJerusalema luhhihlitelwe phansi; nemasango ayo ashiswa ngemlilo.”

Nehemiya 6:6

utsi: “Geshemu ungitjele watsi kunemahemuhemu lasandzile kuletive letibomakhelwane kutsi wena kanye nemaJuda nitilungiselela kuvukela umbuso, nguko nje sewulwakha kabusha lolubondza. Ngetulu kwaloko lamahemuhemu atsi wena sewucondze kutibeka inkhosi,

Esta 3:8

Ngako-ke Hamani wabikela inkhosi, watsi: “Kukhona sive lesisakateke nalo lonkhe lelive lakho sigcwele tonkhe tifundza. Siyatehlukisa emasikweni etfu. Emasiko nemihambo yaso yehlukile, ayifani nemasiko ato tonkhe letinye tive; futsi asiyilaleli imitsetfo yalelive lakho. Ngako akukafaneli kutsi inkhosi isiyekele.

Jeremiya 52:3

Kwabangelwa yintfukutselo yaSimakadze lokutsi kwenteke loku eJerusalema nakaJuda, kwaze kwatsi ekugcineni wabasusa ebukhoneni bakhe. Sedekiya wase uyayivukela inkhosi yaseBhabhulona.

Danyela 3:8

Ngalesikhatsi labanye bosonkhanyeti beta bafike banyundzela emaJuda.

Danyela 9:25

“Yati loku ukucondzisise: Kusukela ekumisweni kwesimiso sekutsi kubuye kuvuswe kabusha iJerusalema yakhiwe, kuze kufike umbusi Logcotjiwe, kuyawuba netikhatsi letisikhombisa netikhatsi letingema-62. Iyakwakhiwa kabusha netitaladi tayo, kumbiwe nemsele wayo, kodvwa kuyawube sekutikhatsi tenhlupheko.

Lukha 13:34

“Jerusalema, Jerusalema! Ubulala baphrofethi, ugcobe ngematje titfunywa taNkulunkulu letitfunyelwe kuwe! Sekukangaki ngifuna kufukamela bonkhe bantfu bakho, njengesikhukhukati sifukamela emantjwele ngaphansi kwemaphiko aso, kodvwa awuzange ungivumele!

Imisebenti yebaPhostoli 24:5

Sikhandze kutsi lomuntfu uyingoti, ngobe ususa tiphitsiphitsi emkhatsini wemaJuda wonkhe umhlaba, kantsi futsi ungumholi walelicembu lekutsiwa ngemaNazaretha.

1 kubaseThesalonika 5:22

nikugege konkhe lokubonakala kukubi.