Ezra 1:7 - Siswati 1996 Bible

Ngetulu kwaloko Khuresi, inkhosi, watikhipha tonkhe leto timphahla betitelithempeli laSimakadze, letatitfunjwe nguNebukhadnezari eJerusalema, asatibeke ethempelini lankulunkulu wakhe.

Ezra 1:7 Referencias Cruzadas

2 Emakhosi 24:13

Njengobe Simakadze abeshito, Nebukhadnezari watsatsa yonkhe ingcebo, wayisusa ethempelini laSimakadze nasesigodlweni senkhosi, watitsatsa tonkhe leto timphahla tegolide letatentiwe nguSolomoni, inkhosi yaka-Israyeli, latentela lithempeli laSimakadze.

2 Tikhronike 36:10

Kwatsi entfwasahlobo, inkhosi Nebukhadnezari watfumela kutsi akalandvwe aletfwe eBhabhulona, aletfwe kanye netimphahla letinelinani lelikhulu tasethempelini laSimakadze. Wase ubeka malume waJehoyakhini labenguSedekiya kutsi abe yinkhosi yakaJuda neyaseJerusalema.

2 Tikhronike 36:18

Wabutsa tonkhe timphahla tasethempelini laNkulunkulu, watitfumba waya nato eBhabhulona, timphahla letincane, naletinkhulu kanye nengcebo yasethempelini laSimakadze nengcebo yenkhosi kanye neyetiphatsimandla tayo.

2 Tikhronike 36:7

Nebukhadnezari watsatsa netimphahla tasethempelini laSimakadze waya nato eBhabhulona, wafike watifaka ethempelini lakhe.

Ezra 5:14

Waze wakhulula ngisho netimphahla tegolide netesiliva Nebukhadnezari labetitsetse ethempelini eJerusalema watimikisa khona lena ethempelini eBhabhulona. “ ‘Khuresi, inkhosi, watinika indvodza lekwakutsiwa nguSheshbasari, labesayibeke kutsi ibe ngumbusi,

Ezra 6:5

Lokunye, timphahla tegolide netesiliva tendlu yaNkulunkulu, letatitsetfwe nguNebukhadnezari ethempelini eJerusalema watimikisa eBhabhulona, kufanele tincandzekiswe tibuyiselwe etindzaweni tato ethempelini eJerusalema, tibekwe endlini yaNkulunkulu.’ ”

Jeremiya 51:44

Ngiyakumjezisa Bheli eBhabhulona, ngimente akuhlantele phansi konkhe loko lakumitile. Tive atisayikubekelela tiye kuye, nelubondza lwaseBhabhulona luyakuwa.

Danyela 1:2

Simakadze wanikela Jehoyakimu, inkhosi yakaJuda, kanye naletinye timphahla tasethempelini laNkulunkulu esandleni saNebukhadnezari. Letimphahla watetfwala watiyisa ethempelini lankulunkulu wakhe kulaseBhabhulona, wafike watibeka endlini yengcebo yankulunkulu wakhe.

Danyela 5:23

Esikhundleni saloko, sewutiphakamisile wamelana naNkulunkulu welizulu. Baletsa letindzebe tasethempelini lakhe kuwe, kwatsi wena netindvuna takho, nemakhosikati akho, nemaphovela akho nanatsa ngato liwayini. Nikhuleke nadvumisa bonkulunkulu besiliva nebegolide, nebelitfusi, nebensimbi, nebetigodvo kanye nebematje labangakwati kubona, nome kuva, nome kucondza. Kodvwa awukamdvumisi Nkulunkulu lophetse kuphila kwakho nato tonkhe tindlela takho esandleni sakhe.