Ezra 1:4 - Siswati 1996 Bible Nakukhona umuntfu loyinsali yebatfunjwa lodzinga lusito ngekubuyela emuva, makhelwane wakhe akamsite. Kufanele labo bantfu basitwe ngesiliva, nangegolide, nangetimphahla, nangetifuyo kanye nangeminikelo yesihle yelithempeli laNkulunkulu waseJerusalema.’ ” |
Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.
Ngetulu kwako konkhe loko, nami ngekutilahla kwami ematsambo senginikela ngegolide yami nesiliva yami kulomsebenti wekwakhiwa kwelithempeli laNkulunkulu wami; kantsi ngetulu kwako konkhe loko futsi sengilungisele lelithempeli lelingcwele:
Sive sajabula kakhulu, nasibona baholi baso banikela ngenhlitiyo levumako, ngobe bebanikela ngenkhululeko nangenhlitiyo yabo yonkhe kuSimakadze. NaDavide, inkhosi, wajabula kakhulu.
Khore, umsa waJimna, umLevi, umgadzi weLisango langaseMphumalanga, yena abengamele leminikelo yesihle leyayiletfwa kuNkulunkulu, nguye bekaba iminikelo leletfwa kuSimakadze kanye netipho letingcwele.
Ngulowo nalowo wesive sakhe losemkhatsini wenu shangatsi Simakadze angaba naye, ahambe aye eJerusalema kaJuda, akhe lithempeli laSimakadze, Nkulunkulu wema-Israyeli, Nkulunkulu loseJerusalema.
Kwatsi baholi bemindeni yakaJuda neyakaBhenjamini, nebaphristi, nemaLevi, nabo bonkhe Nkulunkulu latsintsa tinhlitiyo tabo kutsi bahambe bayewulakha lithempeli laSimakadze, batilungiselela kwenyukela eJerusalema.
Maye, Simakadze, Nkulunkulu wema-Israyeli, wena ulungile! Lamuhla sisele siyinsali. Lapha sisembikwakho ngenca yelicala letfu, noko kute nome munye longakhona kuma embikwakho.”
Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.
“Emvakweminyaka leminyenti ngahamba, bengibuyele kuletsa tipho esiveni sakitsi kanye nekunikela imihlatjelo.