Esta 3:1 - Siswati 1996 Bible

Ngekuhamba kwetikhatsi, inkhosi Ahashiveroshi yamphakamisa Hamani yamnika sikhundla sekuba ngundvunankhulu. Hamani bekuyindvodzana yaHamedatha, umtukulu wa-Agagi.

Esta 3:1 Referencias Cruzadas

Genesisi 41:40

Ngako ngitakubeka wengamele live lami; bantfu bami batakwenta konkhe lokushoko. Mine ngitaba mkhulu kunawe ngesihlalo sebukhosi kuphela.”

Genesisi 41:55

Yatsi kube indlala yembese lonkhe live, baseGibhithe bahamba bayawukhala kuFaro bamtjela kutsi sebabulawa yindlala. Faro wabaphendvula watsi: “Hambani niye kuJosefa, nente konkhe latanitjela kona.”

Ezra 7:14

Wena utfunyelwe yinkhosi ikanye nebeluleki bayo labasikhombisa kutsi uyekuhlolisisa kahle ngelive lakaJuda kanye nangeJerusalema macondzana nemtsetfo waNkulunkulu wakho losesandleni sakho.

Esta 1:14

Labo yayivamise kubabita bekuboKhashena, naShethari, na-Admatha, naThashishi, naMeresi, naMasena kanye naMemukhani. Babetiphatsimandla letisikhombisa letatisetulu embusweni wasePheresiya naseMediya.

Esta 3:10

Inkhosi yakhumula indandatho yayo leyayineluphawu lwekugcoba simemetelo lesiphuma enkhosini, yayinika lesitsa semaJuda, Hamani, umsa waHamedatha, umtukulu wa-Agagi.

Esta 5:11

Hamani wabatekela ababalela nebantfwabakhe kutsi banyenti kanganani, abatjela nekutsi inkhosi imkhuphule kanjani yamenta ndvunankhulu, nekutsi yena ubaluleke kanganani kunato tonkhe tindvuna tenkhosi.

Esta 7:6

Esta watsi: “Sitsa setfu, umuntfu losenyanyako, nalesisinengiso kuye ngunangu Hamani, lonenhlitiyo lembi!” Hamani wahlahlela inkhosi nenkhosikati lenkhulu emehlo asetfukile, esaba.

Esta 8:3

Esta waphindze wayawukhuluma enkhosini; watilahla etinyaweni tayo, akhala. Wayincenga kutsi isale seyiwuhocisa lomkhankhaso lomubi wekubulala onkhe emaJuda, njengobe bekuhlose Hamani, umtukulu wa-Agagi.

Tihlabelelo 12:8

Lababi bayahambahamba; bubi sebaba ligugu kubantfu.

Taga 29:2

Nakungena bantfu labalungile ebuholini, bantfu bayajabula; kodvwa nakubusa bantfu lababi, bantfu bayakhonona.

Umshumayeli 10:6

Tilima tifakwa etikhundleni letiphakeme, kutsi labakhulu nalabanjingile bafakwe kuletiphansi.

Danyela 6:2

ngetulu kwato tonkhe letikhulu kwakunebengameli labatsatfu, lomunye wabo kwakunguDanyela. Letikhulu tatingaphansi kwabo labengameli, kuze inkhosi ingetiwulahlekelwa lutfo.

Numeri 24:7

emanti atawugeleta asuka etimbiteni takhe, nenhlanyelo yakhe itfole emanti lamanyenti. “Inkhosi yabo iyawuba yinkhulu kuna-Agagi, nembuso wabo uyawuphakanyiswa.

1 Samuweli 15:33

Kodvwa Samuweli wakhuluma kuye, watsi: “Njengobe inkemba yakho yacotfula bantfwana bebafati, kanjalo nenyoko naye utakwentiwa angabi naye umntfwana emkhatsini webafati.” Samuweli wahlahlela Agagi embikwaSimakadze eGilgali.

1 Samuweli 15:8

Watfumba Agagi, inkhosi yema-Amaleki, isaphila, kwatsi sive sakhe sonkhe wasibhubhisa ngenkemba.