Eksodusi 9:28 - Siswati 1996 Bible Thandazani kuSimakadze. Manje sesidziniwe ngulokudvuma nalesangcotfo. Ngitanikhulula nihambe, akusafuneki nihlale lapha.” |
Inkhosi yakhuluma kulomuntfu waNkulunkulu, yatsi: “Ngicela ungincusele kuSimakadze, Nkulunkulu wakho, ungithandazele, khona atewuphilisa lomkhono wami.” Kwatsi lomuntfu waNkulunkulu nakamncusela kuSimakadze, umkhono wenkhosi Jerobowamu waphiliswa, waba njengakucala futsi.
Ngiyacela-ke nyalo kutsi ningitsetselele kube kanye nje; ningithandazele kuSimakadze longuNkulunkulu wenu, kutsi asisuse la kimi lesishayo lesibulalako.”
Faro wabita Mosi, wafike watsi kuye: “Hambani niyewukhonta Simakadze; nihambe nebafati benu nebantfwana benu. Intfo nje nishiye timvu, netimbuti, netinkhomo tenu.”
Ngako boMosi na-Aroni baphindze babuyiswa kuFaro, wakhuluma kubo, watsi: “Hambani niyewukhonta Simakadze longuNkulunkulu wenu. Kodvwa empeleni bobani laba lenitawuhamba nabo?”
Simakadze wakhuluma kuMosi, watsi: “Ngisetakwehlisela sinye nje sishayo etikwaFaro neliGibhithe lonkhe. Emvakwaloko utanikhulula kutsi nihambe, empeleni utanicosha niphume niphele kulendzawo.
Faro wase ubita boMosi na-Aroni; befika, watsi kubo: “Hambani niyewunikela imihlatjelo kuloNkulunkulu wenu, kodvwa ningaphumi kulo lelive.”
Faro watsi: “Ngitanikhulula-ke kutsi nihambe niye ehlane niyewunikela ngemihlatjelo kuSimakadze, longuNkulunkulu wenu. Kepha noko ningaboya khashane kakhulu. Ngicela mane ningincusele nami.”
Letigogodvolo tiyawugcumela etikwakho, nasetikwebantfu bakho, nasetikwetiphatsimandla takho tonkhe.’ ”
Faro wabita boMosi na-Aroni; befika, watsi kubo: “Thandazani kuSimakadze nimcele kutsi esuse letigogodvolo la kimi nakulesive sami. Ngitawube sengiyabakhulula labantfu benu bahambe, khona batawunikela imihlatjelo kuSimakadze.”
“Ase usibutele nyalo kuSimakadze, ngobe naku Nebukhadnezari, inkhosi yaseBhabhulona, sewuyasihlasela. Mhlawumbe Simakadze utawusentela timanga njengasetikhatsini takadzeni, khona Nebukhadnezari atawusiyekela.”
Bantfu beta kuMosi, bafike batsi: “Sonile ngekukhuluma kabi ngaSimakadze nangawe. Thandaza kuSimakadze kutsi esuse letinyoka lapha kitsi.” Ngako-ke Mosi wabathandazela labantfu.
Simoni watsi kuPhetro naJohane: “Ngiyacela kutsi ningithandazele eNkhosini, khona tingetikwenteka kimi letintfo lenitishoko.”
Bonkhe bantfu bakhuluma kuSamuweli, batsi: “Thandaza kuSimakadze Nkulunkulu wakho, uthandazele tinceku takho singete safa, ngobe sesengete kuto tonkhe letono tetfu lesinye sono ngekutsi siticelele inkhosi.”