Eksodusi 7:20 - Siswati 1996 Bible

BoMosi na-Aroni benta njengobe babeyalwe nguSimakadze. Aroni waphakamisa indvuku yakhe embikwaFaro netiphatsimandla takhe washaya emanti emfula iNayili. Onkhe emanti lakuyo agucuka aba yingati.

Eksodusi 7:20 Referencias Cruzadas

2 Emakhosi 4:29

Elisha wakhuluma kuGehazi, watsi: “Shesha uvunule, utsatse indvuku yami uyiphatse ngesandla sakho, ugijime. Lohlangana naye endleleni, ungambingeleli, kantsi nakukhona lokubingelelako, ungavumi. Lendvuku yami ubofike uyibeke etikwebuso balomfana.”

Tihlabelelo 105:29

Wagucula emanti abo aba yingati, wabhubhisa tinhlanti tabo.

Tihlabelelo 78:44

Imifula yabo wayigucula yaba yingati, ngako behluleka kunatsa kuyo lemifula.

Eksodusi 4:9

Nangabe abatikholwa totimbili letibonakaliso bangakwemukeli naloko lokushoko, ubokha emanti emfuleni iNayili uwatsele emhlabatsini lowomile. Lamanti ayawugucuka abe yingati.”

Eksodusi 7:10

Ngako-ke boMosi na-Aroni baya kuFaro befike benta njengobe Nkulunkulu abebayalile. Aroni wajika indvuku yakhe phansi embikwaFaro netiphatsimandla takhe, indvuku yagucuka yaba yinyoka.

Eksodusi 7:21

Tinhlanti temfula tafa, iNayili yanuka luvundze kangangekutsi emaGibhithe ehluleka kuwanatsa emanti ayo. Live lonkhe laseGibhithe lagcwala ingati.

Eksodusi 7:6

BoMosi na-Aroni benta njengobe babeyalwe nguSimakadze.

Habakhuki 3:8

Awu, Simakadze, kungabe bewuyitfukutselele yini imifula? Kungabe lulaka lwakho belumelene nemifudlana yini? Walutfukutselela yini lwandle ngesikhatsi ugibele emahhashi akho, netincola takho tekuncoba?

Sembulo 8:8

Ingilosi yesibili yalishaya licilongo layo. Kwabonakala intfo leyayinjengentsaba lenkhulu ivutsa umlilo, ijikijelwa ekhatsi elwandle. Incenye yesitsatfu yelwandle yaba yingati.