Eksodusi 40:33 - Siswati 1996 Bible

Mosi wakha sibuya, satungeleta lithende lekukhontela nelilati ndzawo tonkhe, walengisa indvwangu emnyango wesibuya. Ngako-ke Mosi wawucedza wonkhe umsebenti.

Eksodusi 40:33 Referencias Cruzadas

1 Emakhosi 6:14

Solomoni walakha kanjalo nje lithempeli walicedza.

1 Emakhosi 6:9

Walakha kanjalo-ke lithempeli, waze walicedza, walifulela ngetingodvo kanye nangemapulango emsedari.

Eksodusi 39:32

Bawenta bawucedza wonkhe umsebenti wekwakha lithende lekukhontela, lekulithende lekuhlangana. Ema-Israyeli akwenta konkhe Simakadze labeyale Mosi kutsi kwentiwe.

Eksodusi 40:32

njalo nje nabangena ethendeni lekuhlangana nome nabasondzela elatini, njengobe Simakadze abeyale Mosi.

Eksodusi 40:8

Sibuya ubosakha, ufake nendvwangu ilenge emnyango waso.

Zakhariya 4:9

“Tandla taZerubhabheli tibeke sisekelo salelithempeli; netandla takhe futsi titalicedza. Nine-ke niyawube seniyati kutsi Simakadze longuSomandla ungitfume kini.

Numeri 1:50

Esikhundleni saloko, beka emaLevi kutsi aphatse lelithende lesivumelwane nako konkhe lokukulo lokuhambisana nalo. Kufanele etfwale lelithende nato tonkhe timphahla letihambisana nalo; yebo, kufanele alinakekele, ente inkonzo kulo, akambe emathende awo alitungelete.

Matewu 16:8

Kepha Jesu akwati loko watsi kubo: “Nine bantfu bekukholwa lokuncane, nentiwa yini kutsi nikhulumisane nodvwana ngekutsi kwentiwa ngobe nite tinkhwa?

Johane 10:9

Mine ngilisango, umuntfu nakangena ngami uyawusindziswa; uyawungena, aphume, akhandze lidlelo.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

Johane 17:4

Babe, ngikudvumisile eveni ngekucedzela umsebenti lowanginika wona kutsi ngiwente.

Johane 4:34

Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

1 kubaseKorinthe 12:12

Njengobe nemtimba umunye, kepha unetitfo letinyenti, naloku titinyenti nje, kodvwa tingumtimba munye, unjalo-ke naKhristu.

1 kubaseKorinthe 12:28

Nkulunkulu umise labatsite ebandleni: kucala baphostoli, kwesibili baphrofethi, kwesitsatfu bafundzisi, bese kuba ngulabenta imisebenti yemandla, nalabanetiphiwo temusa tekuphilisa, nebasiti, nebaholi, nalabakhuluma ngetilimi.

Kubase-Efesu 2:18

Ngobe ngaye sobabili sinekungena ngaMoya munye kuYise.

2 kuThimothi 4:7

Ngikulwile kulwa lokuhle, sengiyicedzile indzima yami, ngibambelele ekukholweni.