Eksodusi 39:43 - Siswati 1996 Bible

Mosi wakuhlola konkhe wakubukisisa, wabona kutsi kwentiwe njengobe abelayelwe nguSimakadze. Ngako-ke Mosi wase uyababusisa.

Eksodusi 39:43 Referencias Cruzadas

Genesisi 1:31

Nkulunkulu wakubona konkhe labesakwentile, kutsi kuhle kakhulu. Kwahlwa, kwasa: Kwaba lilanga lesitfupha.

Genesisi 14:19

Melkhisedeki wabusisa Abrama watsi: “Abrama akabusiswe nguNkulunkulu Losetikwako Konkhe, uMdali welizulu nemhlaba.

2 Samuweli 6:18

Watsi nase acedzile kwenta iminikelo yekushiswa neminikelo yebudlelwane, wase ubusisa sive egameni laSimakadze longuSomandla.

1 Emakhosi 6:38

Kwatsi emnyakeni welishumi namunye enyangeni yesiphohlongo, lenguBhuli, lithempeli laphela lonkhe, njengobe kwakuhleliwe. Watsatsa iminyaka lesikhombisa kulakha.

1 Emakhosi 8:14

Kwatsi ngesikhatsi sonkhe sive sisekhona lapho simile, inkhosi yagucukela kuso yasibusisa,

1 Emakhosi 8:55

Wasukuma wabusisa sonkhe sive sema-Israyeli ngelivi lelikhulu, watsi:

1 Tikhronike 16:2

Watsi kube Davide acedze kwenta iminikelo yekushiswa neminikelo yebudlelwane, wabe sewubusisa bonkhe bantfu egameni laSimakadze.

2 Tikhronike 30:27

Baphristi nemaLevi bema babusisa sonkhe sive, naNkulunkulu wabeva, ngobe umthandazo wabo wafinyelela ezulwini, endzaweni yakhe lengcwele lahlala kuyo.

2 Tikhronike 6:3

Kwatsi ngesikhatsi sonkhe sive siseme khona lapho, inkhosi yagucukela kuso yasibusisa.

Nehemiya 11:2

Bantfu bawadvumisa onkhe emadvodza latinikela kutsi ayewuhlala eJerusalema.

Tihlabelelo 104:31

Shangatsi ludvumo lwaSimakadze lungema kuze kube ngunaphakadze. Shangatsi Simakadze angatfokota ngemisebenti yakhe,

Tihlabelelo 19:11

Impela, inceku yakho iyalwa ngato, lowo lotigcinako unemvuzo lomkhulu.

Eksodusi 12:28

Ahamba-ke ema-Israyeli ayawukwenta njengobe abeyalwe nguSimakadze ngaMosi na-Aroni.

Eksodusi 25:9

Nawakha lendlu lengcwele nato tonkhe timphahla tayo, ubokwenta konkhe ngendlela lengitakukhombisa yona.”

Eksodusi 39:42

Ema-Israyeli enta konkhe njengobe Mosi abeyalwe nguSimakadze.

Eksodusi 40:1

Simakadze wakhuluma kuMosi, watsi:

Eksodusi 40:25

wase ukhanyisa letibane embikwaSimakadze, njengobe Simakadze abemyalile.

Eksodusi 7:6

BoMosi na-Aroni benta njengobe babeyalwe nguSimakadze.

Jeremiya 13:5

Ngako ngahamba ngafike ngalifihla eYufrathe, njengobe Simakadze abengitjelile.

Levithikusi 16:34

Lomtsetfo kufanele ugcinwe, wentiwe titukulwane ngetitukulwane. Inhlawulo yekubuyisana kuSimakadze iyakwentiwa kanye ngemnyaka, yentelwe tonkhe tono tema-Israyeli.” Konkhe kwentiwa njengobe Simakadze abeyale Mosi.

Joshuwa 22:6

Ngako Joshuwa wababusisa, wase uyabahambisa, babuyela emakhaya abo.

Joshuwa 22:7

Lencenye yesive sakaManase Mosi abeyabele live laseBhashani, kwase kutsi lena lenye incenye yona wayabela live ngasenshonalanga kweJordane kanye nabomnakabo. Watsi kube Joshuwa ababuyisele ekhaya, wababusisa,