Eksodusi 36:8 - Siswati 1996 Bible

Onkhe emadvodza labenelikhono emkhatsini walababenta lomsebenti welithende lekukhontela balakha ngetindvwangu letilishumi. Tatentiwe ngelineni lecolisakele nangensontfo leluhlata njengesibhakabhaka, nalebukhwebeletane, nalebovu ngalokutopele, tase tihlotjiswa ngemakherubhi lentiwe yingcweti lenebuciko.

Eksodusi 36:8 Referencias Cruzadas

1 Emakhosi 6:23

Ekhatsi endzaweni lengcwelengcwele wakha emakherubhi lamabili ngelugodvo lwemncumo, lilinye laba ngemamitha labengaba mane nesigamu kuphakama.

1 Tikhronike 15:1

Emvakwekuba Davide asatakhele tindlu takhe eDolobheni laDavide, wabe sewulungisa indzawo yekubeka libhokisi lesivumelwane saNkulunkulu, wadzimate wemisa lithende lekulifaka ekhatsi.

2 Tikhronike 1:3

Solomoni kanye nalo lonkhe libandla bahamba baya endzaweni lephakeme leyayiseGibeyoni, ngobe phela lithende lekuhlangana laNkulunkulu lalikhona lapho. Lelo thende ngulelo lelalakhiwe nguMosi, inceku yaNkulunkulu, basesehlane.

2 Tikhronike 3:10

Endzaweni lengcwelengcwele wakha emakherubhi lamabili labatiwe, wawembesa ngegolide.

Eksodusi 25:18

Uyawukwenta emakherubhi lamabili ngegolide legcotjiwe uwabetsele lelinye likherubhi libe ngala, lelinye libe ngale.

Eksodusi 25:22

Ngitawuhlangana nawe lapho, ngikhulume nawe ngisetikwalesihlalo semusa emkhatsini walamakherubhi lamabili lasetikwelibhokisi. Ngulapho ngitakunika khona yonkhe imitsetfo yami yesive sema-Israyeli.”

Eksodusi 31:6

Ngetulu kwaloko ngikhetse na-Oholiyabi, umsa wa-Ahisamaki, wesive sakaDani, kutsi asebente naye. Bonkhe laba labanelikhono nabo ngibengetele, khona batewukwati kwenta loku lengikuyale ngako:

Eksodusi 31:7

lithende lekuhlangana, nelibhokisi lesivumelwane, nesihlalo semusa, netimphahla tonkhe telithende,

Eksodusi 35:10

“Onkhe emadvodza lanelikhono lasemkhatsini wenu kufanele ente naku Simakadze latsite akwentiwe:

Eksodusi 36:9

Tonkhe letindvwangu tatilingana: iyinye budze yayingemamitha labengaba li-12, bubanti bungemamitha labengaba mabili.

Eksodusi 39:3

Bakha ngcwengcwe ngegolide, base bamsika imicwana yekwelukwa kanye nemitiya yelineni lecolisakele nensontfo leluhlata njengesibhakabhaka, nalebukhwebeletane, nalebovu ngalokutopele, umsebenti wengcweti lenebuciko.