Eksodusi 36:3 - Siswati 1996 Bible

Batsatsa kuMosi tonkhe timphahla tekwakha indzawo lengcwele. Letimphahla nguleto letatinikelwe ngema-Israyeli, wona abechubeka aletsa iminikelo kuMosi onkhe emalanga ekuseni.

Eksodusi 36:3 Referencias Cruzadas

Tihlabelelo 101:8

Kusa ngekusa, ngiyawubabhubhisa ngibabulale bonkhe lababi eveni, kuze ngibacotfule bonkhe lababi bangabikho ekhaya laSimakadze.

Tihlabelelo 5:3

Simakadze, nakudzabuka kusa, uyaliva livi lami; nakudzabuka kusa, ngihlela ticelo tami kuwe, bese ngiyema ngilindzela wena.

Eksodusi 35:27

Baholi baletsa ematje layi-oniksi nalamanye ematje laligugu kutsi atewufakwa esidziyeni nasesembatfweni sesifuba,

Eksodusi 35:29

Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Eksodusi 36:2

Mosi wabita Besaleli, na-Oholiyabi, nawo onkhe emadvodza labenelikhono nalabephiwe nguSimakadze bungcweti nekuhlakanipha nalabetimisele kuwenta lomsebenti.

Eksodusi 36:4

Ngako-ke nguleyo naleyo ndvodza leyayinelikhono lekusebenta leyayakha indzawo lengcwele, yasukuma phansi yashiya umsebenti wayo,

Taga 8:15

Emakhosi abusa kahle ngami, nebabusi bashaya umtsetfo ngami.

Isaya 50:4

INkhosi Simakadze inginike lulwimi lolufundzisiwe, kuze ngati livi lekucinisa labamadvolo abo asaceka. Ungivusa njalo nje, ekuseni avuse indlebe yami itewulalela, njengemuntfu nakafundziswa.

Jeremiya 21:12

awu, wenandlu yakaDavide, naku lokushiwo nguSimakadze, utsi: “ ‘Sebentisani umtsetfocotfo njalo nje ekuseni; nimephule esandleni semcindzeteli lowo lodlelelwe; ngaphandle kwaloko intfukutselo yami itawuvuka ivutse njengemlilo ngenca yebubi lenibentile, yebo, ivutse kubete nalongayicima.

Amose 4:5

Shisani sinkhwa senu lesinemvubelo kube ngumnikelo wekubonga, tigabatiseni ngeminikelo yenu yesihle. Gungubalani ngayo, nine ma-Israyeli, ngobe nguko loko lenitsandza kukwenta.