Eksodusi 36:2 - Siswati 1996 Bible

Mosi wabita Besaleli, na-Oholiyabi, nawo onkhe emadvodza labenelikhono nalabephiwe nguSimakadze bungcweti nekuhlakanipha nalabetimisele kuwenta lomsebenti.

Eksodusi 36:2 Referencias Cruzadas

1 Tikhronike 28:21

Tonkhe ticheme tebaphristi netemaLevi setivele tiwulungele wonkhe lomsebenti welithempeli laNkulunkulu, kantsi wonkhe umuntfu lonenhlitiyo levumako nalonelikhono lekuhlobisa utakusita kuwo wonkhe lomsebenti. Tonkhe tiphatsimandla nesive sonkhe sitakwenta konkhe lositjela kona kutsi sikwente.”

1 Tikhronike 29:5

kanye nekwekwenta tintfo tegolide netesiliva kanye nekwekwenta tonkhe tintfo letitakwentiwa bantfu labanelikhono. Manje-ke ngubani lofuna kunikela kuSimakadze?”

Eksodusi 25:2

“Khuluma esiveni saka-Israyeli kutsi asingiletsele umnikelo, ukhishwe ngibo bonkhe bantfu labanenhlitiyo levumako, wena uwemukele egameni lami.

Eksodusi 25:40

Ucaphele kutsi letintfo utakha ngaleyo ndlela lengakukhombisa yona entsabeni.”

Eksodusi 28:3

Tjela bonkhe bantfu labanelikhono lekutfunga, lengibaphe kuhlakanipha, kutsi bafanele bentele Aroni tembatfo tebuphristi kuze angikhonte njengemphristi.

Eksodusi 31:6

Ngetulu kwaloko ngikhetse na-Oholiyabi, umsa wa-Ahisamaki, wesive sakaDani, kutsi asebente naye. Bonkhe laba labanelikhono nabo ngibengetele, khona batewukwati kwenta loku lengikuyale ngako:

Eksodusi 35:10

“Onkhe emadvodza lanelikhono lasemkhatsini wenu kufanele ente naku Simakadze latsite akwentiwe:

Eksodusi 35:2

Kufanele nente imisebenti yenu emalanga lasitfupha, kodvwa lilanga lesikhombisa nilingcwelise kube liSabatha, lilanga lekuphumula, lilanga lelinikelwe kuSimakadze. Losebenta ngalelo langa kufanele abulawe.

Eksodusi 36:1

“BoBesaleli, na-Oholiyabi, nawo onkhe emadvodza lanelikhono laphiwe nguNkulunkulu bungcweti nekuhlakanipha ekwakheni lendzawo lengcwele, kufanele bawente wonkhe lomsebenti njengobe Simakadze ashito.”

Eksodusi 36:3

Batsatsa kuMosi tonkhe timphahla tekwakha indzawo lengcwele. Letimphahla nguleto letatinikelwe ngema-Israyeli, wona abechubeka aletsa iminikelo kuMosi onkhe emalanga ekuseni.

Imisebenti yebaPhostoli 14:23

Kulelo nalelo bandla babakhetsela babonisi, ngemithandazo nangekuzila babaletsa eNkhosini labayikholwako.

KubaseKholose 4:17

Nitjele Akhipho nitsi: “Caphela kufeza lowo msebenti lowawemukela eNkhosini.”

KumaHebheru 5:4

Kute umuntfu lotitsatsela lesikhundla ngaphandle kwekutsi abitwe nguNkulunkulu, njengobe na-Aroni abitwa.