Eksodusi 30:21 - Siswati 1996 Bible Kufanele bageze tandla tabo netinyawo tabo, khona bangetikufa. Lona ngumyalo nemtsetfo labatawugcina bona netitukulwane tabo kuze kube phakadze naphakadze.” |
Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”
Aroni nemadvodzana akhe kufanele batifake njalo nje nabaya ethendeni lekuhlangana nome beta kutekungikhonta elatini endzaweni lengcwele, khona bangetiwubulawa ngenca yekona ngebungcunu babo. “Lona-ke ngumyalo wa-Aroni netitukulwane takhe kuze kube phakadze naphakadze.”
Ngaphambi kwekuba bangene ethendeni lekuhlangana nome nabasondzela elatini kutewufeza inkonzo yabo yekushisa umnikelo ngemlilo kuSimakadze, kufanele bageze kulamanti. Nabangakagezi batakufa.