Jakobe wabuta watsi: “Wena-ke ungubani libito lakho?” Yaphendvula yatsi: “Ufunelani kwati libito lami?” Yase iyambusisa.
Eksodusi 3:13 - Siswati 1996 Bible Mosi wakhuluma kuNkulunkulu, watsi: “Nangifika kuma-Israyeli ngitsi kubo: ‘Nkulunkulu waboyihlomkhulu ungitfume kini,’ bese bangibuta batsi: ‘Ngubani libito lakhe?’ ngiyawubaphendvula ngitsini?” |
Jakobe wabuta watsi: “Wena-ke ungubani libito lakho?” Yaphendvula yatsi: “Ufunelani kwati libito lami?” Yase iyambusisa.
Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”
Nkulunkulu watsi kuMosi: “Nginguye Lenginguye. Nguloko loyawubatjela kona baka-Israyeli, utsi: ‘Nginguye ungitfumile.’ ”
Nkulunkulu waphindze watsi kuMosi: “Ubokhuluma kuma-Israyeli utsi: ‘Simakadze, Nkulunkulu wabokhokho benu, naNkulunkulu wabo-Abrahama, naNkulunkulu wa-Isaka, naNkulunkulu waJakobe, ungitfume kini.’ Leli-ke libito lami phakadze naphakadze, tonkhe titukulwane tiyawungibita kanjalo.
Ubokhuluma kuye utsi: ‘Simakadze, Nkulunkulu wemaHebheru, ungitfume kuwe watsi ngibofike ngitsi: “Khulula sive sami sihambe, khona sitewungikhonta ehlane;” kodvwa kuze kube ngumanje usengakakwenti loko lengikutjela kona.
“Ngubani lowake waya ezulwini waphindze wabuya? Ngubani lophetse imimoya etandleni takhe? Ngubani logocotele emanti ngengubo yakhe? Ngubani lowamisa yonkhe imikhawulo yemhlaba? Ngubani libito lakhe nelendvodzana yakhe? Ungangitjela nje?
Ngako-ke sive sami siyawulati Libito lami. Ngalelo langa bayawukwati kutsi ngimi lowakusho loko kungakenteki. Yebo, ngimi.”
Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.
Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.
Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”
Mariya utakutala indvodzana uyetse libito utsi nguJesu, ngobe nguye loyakusindzisa bantfu bakhe etonweni tabo.”
“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”
Nkulunkulu wa-Abrahama na-Isaka naJakobe, Nkulunkulu wabokhokho, usikhatimulisile Sisebenti sakhe lesinguJesu, lenamniketa etiphatsimandleni, namlahla embikwaPhilatu, namala nome Philatu asatimisele kumkhulula.
Manowa wase ubuta lengilosi yaSimakadze, watsi: “Ngubani libito lakho, kuze sitekubonga nasagcwalisekile lamavi akho?”
Lomfati-ke wabe sewuya endvodzeni yakhe, wafike wayibikela watsi: “Kufike umuntfu waNkulunkulu kimi. Simo sakhe bekungatsi yingilosi yaNkulunkulu; abesabeka kakhulu. Nami angikabe ngisabuta nekutsi uphumaphi, naye akangitjeli nelibito lakhe.