Eksodusi 29:1 - Siswati 1996 Bible

“Naku lofanele ukwente nawunikela bo-Aroni nemadvodzana akhe kulenkonzo yekuba baphristi: Ubotsatsa inkunzana, netihhanca letimbili letingenasiyela.

Eksodusi 29:1 Referencias Cruzadas

2 Tikhronike 13:9

Kodvwa anizange yini nibacoshe baphristi baSimakadze, emadvodzana a-Aroni, nemaLevi, nase nitibekela baphristi benu nenta njengobe tive talamanye emave tenta? Ngulowo nalowo lota kutekutinikela nekwehlukaniselwa aphetse inkunzana netihhanca letisikhombisa angaba ngumphristi waleto tithico tenu.

Eksodusi 12:5

Lelizinyane lenu kufanele kube ngulelite sici, libe nemnyaka munye budzala; nilehlukanise nemhlambi wetimvu nome wetimbuti.

Eksodusi 20:11

Ngemalanga lasitfupha Simakadze wadala lizulu nemhlaba, nelwandle nako konkhe lokukuko, waphumula ngelilanga lesikhombisa. Ngako-ke Simakadze walibusisa walingcwelisa lelilanga leliSabatha.

Eksodusi 28:1

“Ubobe sewubita umnakenu, Aroni, kanye nemadvodzana akhe boNadabi, na-Abihu, naEleyazare, na-Ithamari, ubehlukanise nema-Israyeli, ngobe ngifuna babe baphristi bekungikhonta.

Eksodusi 28:3

Tjela bonkhe bantfu labanelikhono lekutfunga, lengibaphe kuhlakanipha, kutsi bafanele bentele Aroni tembatfo tebuphristi kuze angikhonte njengemphristi.

Eksodusi 28:41

Letimphahla ubotembatsisa umnakenu Aroni nemadvodzana akhe. Ubobagcoba ngemafutsa emncumo, ungehlukanisele bona babe ngcwele bangene esigabeni sekungikhonta njengebaphristi.

Eksodusi 29:21

Ubotsatsa lengati leselatini kanye nemafutsa emgcobo ufafate bo-Aroni nemadvodzana akhe kanye netingubo tabo; ngaloko bo-Aroni nemadvodzana akhe batawube sebanikelwe kimi kanye netingubo tabo.

Hezekeli 43:23

Utawutsi ungacedza kulihlambulula, uyawube sewunikela ngenkunzana kanye nangesihhanca lesiphuma emhlambini, kokubili kungabi nasiyela.

Levithikusi 14:11

Umphristi lowenta lenkonzo yekuhlambulula uyawuletsa kuSimakadze lomuntfu lotewuhlanjululwa amletse kanye naletintfo ekungeneni kwelithende lekuhlangana.

Levithikusi 16:3

“Angakangeni endzaweni lengcwelengcwele kufanele ete nenkunzana yemnikelo wesono kanye nesihhanca semhlatjelo wekushiswa.

Levithikusi 22:20

Ningakuletsi lokunesiyela, ngobe kungeke kwemukeleke kutsi kubesesikhundleni senu.

Levithikusi 4:3

“ ‘Nangabe kona umphristi logcotjiwe waze wehlisela lelo cala lakhe esiveni, uyawuletsa inkunzana lengenasiyela ayinikele ibe ngumhlatjelo wesono sakhe kuSimakadze.

Levithikusi 6:13

Lomlilo kufanele uhlale uvutsa lapha etikwelilati, ungacali ucime.”

Levithikusi 6:6

Uyawube sewuletsa kumphristi lowo mnikelo welicala kuSimakadze, ube sihhanca lesingenasiyela, kube nguleso lesilingene kube ngumnikelo welicala.

Levithikusi 7:35

Loko kwaba sabelo sa-Aroni nemadvodzana akhe lesatsatfwa emnikelweni lowawuletfwe kuSimakadze, mhlazana bagcotjwa kutsi bakhonte Simakadze njengebaphristi.

Levithikusi 8:1

Simakadze wakhuluma kuMosi, watsi:

Levithikusi 9:2

Wakhuluma ku-Aroni watsi: “Tsatsa inkunzana lengenasiyela nesihhanca lesingenasiyela utekunikela kuSimakadze: inkunzana ibe ngumnikelo wesono, sihhanca sibe ngumnikelo wekushiswa.

Matewu 6:9

Nanithandazako nibotsi: “ ‘Babe wetfu losezulwini, alingcweliswe libito lakho.

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.

1 yaPhetro 1:19

kodvwa nahlengwa ngengati leligugu yeliWundlu lelinguKhristu, lelingenacala nalelingenasici.