Eksodusi 23:18 - Siswati 1996 Bible

“Unganikeli kimi ngengati yemhlatjelo nangemnikelo nome wani lonembiliso. Emafutsa aletilwane lasele natinikelwa kulemigubho kufanele angahlali kuze kube ngungakusasa ekuseni.

Eksodusi 23:18 Referencias Cruzadas

Eksodusi 12:10

Lenyama niboyidla ningalishiyeli likusasa; nakukhona lesele, niboyishisa.

Eksodusi 12:15

Simakadze wachubeka watsi: “Sinkhwa lesinembiliso ningabosidla kuze kuphele emalanga lasikhombisa; nibodla sinkhwa lesite imbiliso kuphela. Ngelilanga lekucala niboyisusa yonkhe imbiliso etindlini tenu, ngobe lotawudla lokufakwe imbiliso emkhatsini welilanga lekucala kuze kube lilanga lesikhombisa, utawuncunywa emkhatsini wesive sema-Israyeli.

Eksodusi 12:8

Kulobo busuku inyama ibokosiwa idliwe kanye nemibhidvo lebabako kanye nesinkhwa lesite imbiliso.

Eksodusi 16:19

Mosi wakhuluma kubo watsi: “Akubete loshiyela likusasa lokudla.”

Eksodusi 29:34

Nakwenteka lenyama yemgcobo, nome sinkhwa kusala kuze kube ngakusasa ekuseni, ubobe sewukushisa ngemlilo loku lokulibhadlela. Akukafaneli kudliwe, ngobe kungcwele.

Eksodusi 34:25

“Unganikeli kimi ngengati yemhlatjelo nangemnikelo nome wani lonembiliso. Kubete inyama yemhlatjelo weliPhasika leyawusala ibe libhadlela.

Levithikusi 2:11

“Konkhe lokutinhlavu lokunikelwa kuSimakadze akuyiwufakwa imbiliso; ningacali nikufake imbiliso nome luju lwetinyosi kuloko lokunikelwa kuSimakadze ngemlilo.

Levithikusi 7:12

Nangabe umuntfu enta umnikelo wekubonga, uyawuletsa lomhlatjelo kanye nemipotongwane lete imbiliso lebhicwe nemafutsa, nemicatsane lebhicwe nemafutsa nemacebelengwane laphekwe ngemphuphu lecolisakele lete imbiliso lebhicwe nemafutsa.

Levithikusi 7:15

Inyama yalesilwane kufanele idliwe ngalelo langa lenikelwe ngalo; akukafaneli ibekelwe likusasa.

Dutheronomi 16:4

Kufanele kubete lotfolakala anembiliso eveni lenu kuwo onkhe lawo malanga lasikhombisa. Kubete inyama yemhlatjelo lowentiwe ebusuku belilanga lekucala, leyawusala kuze kuse.