Yatsi kube ifike indvodza yakhe, wayitjela leyo ndzaba ngalokufananako, watsi: “Lesigcili semHebheru, losiletse la, emkhatsini wetfu, singene seta kimi satawudlala ngami.
Eksodusi 23:1 - Siswati 1996 Bible “Ungatandzisi tindzaba letingemanga. Ungatihlanganisi nemuntfu lomubi ngekumfakazela. |
Yatsi kube ifike indvodza yakhe, wayitjela leyo ndzaba ngalokufananako, watsi: “Lesigcili semHebheru, losiletse la, emkhatsini wetfu, singene seta kimi satawudlala ngami.
Inkhosi yabuta yatsi: “Uphi umntfwanemntfwanenkhosi yakho?” Siba watsi: “Uhleti lena eJerusalema, ngobe acabanga atsi: ‘Lamuhla indlu yaka-Israyeli itangibuyisela umbuso wamkhulu.’ ”
Safike sangicalela emanga enkhosini yami, kodvwa wena ufanana nengilosi yaNkulunkulu, ngako yenta loko lokubonakala kukuhle kuwe.
Lowo lohleba makhelwane wakhe emasitseleni mine ngiyawumcitsa. Lowo lonemehlo lachoshile nenhlitiyo letigcabhako angihambisani naye.
Akahlebi ngelulwimi lwakhe. Akabanyembenyi labanye bantfu, akamhlazisi namakhelwane wakhe.
Unganginikeli entsandvweni yalabalwa nami, ngobe bofakazi bemanga bangivukele, baphefumula lusongo nebudlova.
Ungacali kubeka licala ngemanga. Umuntfu lote licala nalolungile ungambulali, ngobe loyawukwenta njalo uyakubulawa ngimi.
Fakazi lowetsembekile ukhuluma bufakazi lobuliciniso; kodvwa fakazi lonemanga wandzisa emanga.
Fakazi lowetsembekile akawacali emanga; kodvwa fakazi longaketsembeki uphefumula emanga.
Sigangi siyalalelisisa nakukhulunywa ngekuganga, nemuntfu lonelulwimi lolubi uvula tindlebe atsatse onkhe emavi ekulimata labanye bantfu.
Ungabenti bufakazi bekulahla makhelwane wakho ngelicala ngaphandle kwesizatfu, ungamcaleli ngisho nemanga.
Umuntfu lofakaza emanga ngamakhelwane wakhe uyingoti njengesicwayi, nome njengenkemba, nome njengesikhali lesikhaliphako.
Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”
Ungahambi unyundzela bantfu bakini; ungamelani nekuphila kwamakhelwane wakho, nginguSimakadze.
Labuta latsi: “Miphi?” Jesu waliphendvula watsi: “Ungabulali; ungaphingi; ungebi; ungafakazi emanga;
Zakewu wasukuma watsi eNkhosini: “Nkhosi, ngiyawukhipha incenye yalenginako ngenetise labaswele; futsi nakukhona lengimdlelele, ngitakubuyisela sekuphindvwe kane.”
Emabutfo nawo ambuta atsi: “Tsine-ke? Sifanele sente njani?” Watsi-ke yena kubo: “Ningemuki muntfu imali yakhe ngemacebo, yeneliswani ngumholo wenu.”
“Kodvwa ngekwemtsetfo wetfu umuntfu uyanikwa yini sigwebo angakaze abutwe kuvakale kahle kutsi cala lini lalentile?”
Pho, akushiwo ngani-ke kutsi: “Asente lokubi, khona kutawuvama lokuhle”? Labanye bantfu, badzimate bangetfuka ngekungibeka licala ngekutsi ngikhuluma kanjalo! Bayawulahlwa njengobe kufanele.
Ngako-ke lahlani emanga, akube ngulowo nalowo akhulume liciniso kumzalwane wakhe, ngobe sonkhe singemalunga lomunye kulomunye emtimbeni munye.
babete lutsandvo, bangatsetselelani. Bayawuba tinyoka, bangatitsibi, babe nebulwane, batondze lokuhle,
Loku nikwente ngebumnene nangekuhlonipha, nibe nanembeza lomsulwa, kuze kutsi kuloko labanihleba ngako bajabhiswe labo labetfuka kuhamba kwenu lokuhle kuKhristu.
Ngeva livi lelikhulu ezulwini litsi: “Nyalo insindziso, nemandla, nebukhosi sekwaNkulunkulu wetfu, neligunya selaKhristu wakhe; ngobe sewulahlelwe phansi ummangaleli lomangalela bazalwane betfu kuNkulunkulu, imini nebusuku.